جعل المطر يسقي الخبر = وينقــــــع على درب المطار
ويوقف الجمس الحمــر =اللي طلـــــع بــــرا الـــــديار
سواقه هندي والقمـــــر = راكب ورى الســـــايق يسار
متركي ويسمـــع وتــــر = ولا درى وش اللي صـــــــار
ما يدري انه يوم مــــــر = جــــدد بي جروح(ن) كــبـار
رجع بي سنــين العـــمر = ايـــــام ما كــنـــا صـــغــــار
شـــمّيـت انا ريح العطـر = بوقــفــتــه عــنــد الاشـــار
ونـــاديت وينــك يا سحر = ولا شـــــافـنـي ولا استــدار
وتـبعتهـم مثـــــل الاثـــر = ولا تـــــقــــــل ظـل بنـــــهار
وطال المشي كنه شهــر = متـلهــف وكـلّي انتـــــــظار
واسمع انا صوت الكفـر = من قـــوته طلع شــــــــرار
بعيني صفـقـتـه وانفـجـر = العــين حــق والجـنــط طار
وهــدّا وانا خلف الشفـر = وقـف وانـا اوقـف بالجـوار
ونزلت انا عسى ما شـر = وفـتـح على صـوتي الستار
واثــره مـثــل نــور البدر = ويا ماحــــــــلا زين الحوار
صارلي على ضيمه دهر =هــم وسهــر ليل ونــــــهار
أو يــتــهــيــألــي كــــــبر = مـــورد ويــعـــطي بســمار
ويا جعل يسلم لي الصدر == مبرز (ن)طلع الثمــــــــار
ولا الخصر شف الخصر = ليمن مـشــى ووقـف ودار
اثبت ولا ضــابط خــفــر = واوقف مع الحشمه وقـار
واذا انتثر حلو الشـــعــر = اعطى مع الحِـنّــه شقــار
حـــورية(ن)وسط البحـر == ومالـهـا شـبـيـه بـالـبـحار
الدنيا كـــلهـــا يا بــــــدر =من عقبكم تصبــــــح دمار
ظهري انكسرعقبك كسر =ماله دوا مــاله جبــــــــار
مزايا حسنك يا كـــــــــثر =من شوفتك تشفي العوار
وان كان تنوون السفـــر = خـــــــلاص ماعندك خيار
دقيقه والله ما تـــــــضــر = يا شمعت(ن)باعلا المنار
لا تقطع وصالي بخـــــبـر 000=تشفي حيــاتي من المرار