انا خلي حدني في احتكاما=غصب عني قلت ابلحق به دعيا
اما ياتي حقي وافي بالتماما=والا ماني قابلٍ باللي تهيا
غاليٍ لاراح عن بالسلاما=اجلس على جمره اتحرا مجيا
لعن ابو من لامني به بالملاما=(والبنيه جنبها ماهي بنيا)
غصن بان ومبسمه مبسم حماما=همس عصفور النهار بجال ميا
جنةٍ تقعد واليا قامت قياما=من حلاها تورد احياض المنيا
وجهها مثل البدر عند انقساما=وشفته زي الشفق بالمغربيا
والجديل اظلم من الليل بظلاما=وجبهته تشرق تقل شمس اضحويا
(سيرت من حقها وصل الرحاما=الرحامه وصلها برب البريا)
علوها طول ليلي مااناما=وانشدوها لاتبي تبطي عليا
ترا والله العظيم وبالحراما=اني لااجيله وأجوده بيديا
واتعلا به على راس الغماما=وابقى انا واياه وانكب البقيا
(لايغيب تغيب معه الابتساما=وكان له نيه يجي ويلقى الوصيا
واذا جاني مرحبا عد الكلاما= افزع من الشوق وارحب مجيا
واحذف عقال القصيده والعماما= واثبت استعداد واعطيه التحيا