ليتك بقلبي يا لحبيبه تشوفين
عمرتلك بالقلب اكبر بنايه
وزرعتلك بالجوف ورد ورياحين
وضلوع صدري للحديقه حمايه
وسقيتها يابنت من دمعت العين
وعطيتها كل هتمام ورعايه
ونافورته سلكتها من الشرايين
واظن هذا بالموده كفايه
وشلون عني بالمحبه تشحين
الله واكبر كيف هذا جزايه
انتي جرحتيني مع الجرح جرحين
ما كان هذي نيتك با لبدايه
يوم اتصل في هاتفك ما تردين
متجا هله يا بنت حتى ندايه
وشجاك مني ليه عني تصدين
اني احبك صارهذا خطايه
لونك دريتي وش جراء يوم الاثنين
طلبتهم تدخل اصورك معايه
صكو عليه بالعياده طبيبين
قمت اتخيل صورتك بالعنايه
للشاعر موسى المشعان