ياصباح الخير ياحلى صباحاً بالوجود = ياشعاع الفجروالغيم وانسام العبير
يابراءاة الطفوله بالاعين والخدود = ويافرح ام ن تبسم لها الطفل الصغير
وكل ذونعمه من الله مع الناس محسود =وانت غير الناس والناس غيرك وانت غير
الله اعطى الناس حد وعطاك بلاحدود =وان عطاهم خير انته عطا لك شي اخير
لاتواخذني الياباحت اسرار السدود = ضايق(ن)بالي وضيق علي من العصير
وصرت محتاجك حبيبي وتمنعني قيود = وصرت ادور بدائره مغلقه بس استدير
ان بغيت اوصل العلم لك جاني برود = وثم خفت وجيت راجع الى حر السعير
والحياء والحب وسط الحشاء مثل البارود = وانفجر قلبي وانا بين اقول او استخير
والقلوب الله يسلمك بالخافي شهود =وانت وسط القلب شيدة بيتك بالضمير
وكل يوم وحبك بقلبي من حبك يزود = لين صرت بقلبه ودمه ووسط النظير
كان عقلي ماسك(ن)قلبي وكلي صمود = وراح قلبي وتبعه عقلي وجيتك مغير
جيت مثل الأعزل اللي احاطوه الجنود = جيت مستسلم ورافع يديه للأخير
مامعي الا قلب واحد وراح بمايجود = ليت لي قلبين وان راح حطيت الاسبير
ترني احساس ومشاعر ولاحتمل الصدود = والغلا والولف يقضي على قلب البعير
وللعيون الناعسه تضرب الارض الأسود = والأسد يسلم الأمر لو يزئر زئير
استلمني طالماني على رضاك محدود = الغلا اللي حدني والغلا شراً شرير
تعشق الغزلان غيري وانا احب العنود = والغلا يالعن ابو حي حي اصله خطير
ايه تستاهل محبتك يالغرو والودود = وابشر اني معك جعله يصير اللي يصير
ارق بي وارقابك ارقابك ارقابك سنود = لوتبينا نطير يم السماء سم ونطير
حطني بالضل والشمس واهجها يكود = ودفني بالبرد يوم الهواء جاءله صفير
ياعريب الفرع والساس وجذور الجدود = لاتوديني بحبك الى سوء المصير
شوف لي حل بحياتي ترا همومي وفود = كان عندك هم واحد معي جمعاً غفير
والحياة افراح واحزان واخرها اللحود = يالله انك تشفي الجرح والعظم الكسير
فلها لازان وقتك تر العمر محدود = واحتزم لاجاك يوم(ن)عبوسن قمطرير