كتبت لي مع طلعة الصبح بيتين
عل و عسى ربعي بهن يسمعوني
انخى بهن جمع الرجال الميامين
رجالن بهم ما قد تردت ظنوني
ربعي بني وايل كعام المعادين
اللي على فك النشب يفزعوني
وقفاتهم تشهد عليها البراهين
و كل البشر بفعولهم يشهدوني
فهودن على صيد الغنايم مجيعين
صقورن ليا حان الطرد يكفخوني
حصنٍ ليا صار الملاقا مجانين
جنون عز و عزةٍ ما تهوني
سيوف الوغى لا ثار عج الميادين
من دونها ترجع جميع الظعوني
روسن عساها من العمار الطويلين
و الله يكرّمها عدد ما تكوني
تكفون يا رجال الثبات الوفيين
لدو نظركم يمنا بالعيوني
الكفش ينخاكم على العسر و اللين
من وافي الفزعات لا تذخروني
تكاتفو مع ربعكم يالعريبين
وقفاتكم يا جعلكم تسلموني
من صد عن ربعه ترى يلحقه دين
صعبن يسده لا حدته الغبوني
أحمد الفهيد الشميلاني