هاذي حظوظي و الأسى طوّل =مالي ومال اللي يواسينا
في عالم الأحلام نتجوّل =نمشي على أنغام أغانينا
والأغنيه لو صيتها حوّل =كانت أغاني الحب تُبكينا
ألفين وعشره بالحزن فوّل =قلبٍ.. ولين اتقنّح حْزينا
من بعدما كان الأمل أوّل =يَبني صروح الذات.. يبنينا
صار الأمل تايه وانا اتسوّل =بسمة، تصحّي اللي بقى فينا
ومع تالي الأيام بنعوّل =دعوة وعسى تُقبل دعاوينا
لو ربنا احيانا عمر أطول =يالله عسى تِكمل إمانينا