عيون الحب
عيون الحب لا يمكـن تناظـر
عيوب الخل لوهو عيـب كلـه
تماري فيه وبوصفـه تكابـر
ترى من فوق خلـق الله محلـه
رفيق الليل في الشبـاك ناطـر
واثـاري الليـل شبـاك لخلـه
حفظ احلى الكلام وصار شاعر
بصبر ينتظـر والصبـر ملـه
حبيب عشت في دنيـاه عابـر
حسب قوله ويا شعـري فقلـه
انا ضحيت له وارجي وصابر
واذا عيـا اقـول الله يحـلـه
على الملتاع الا يا بعـد باكـر
يبي السلوان والذكـرى تظلـه
صحيح ان الهوى سحر المشاعر
يراه الصـب عـز لـو يذلـه
عيون الحب في قلبـي تناظـر
تشوف اللي عيوني مـا تدلـه
::