فارس: نواف وش فيك
نواف: ولا شي
فارس: هذا راشد
نواف: هاه راشد بشر
راشد: لاتقول راشد قوول ابو عبد الحكيم
نواف: احللف ......... ولد مبرووووووووك وراح لمه
فارس: مبرووووووك عقبالنا وياشر على نواف
نواف: متى يارب
راشد: انت انوي وانا ازوجك
نواف: لا مالك شغل فيني انا بتزوج بمزاجي
راشد: اعوذ بالله هذي اللي يعرض خدماته عليك اجل منيب مزووج الا حكوومي
فارس: تدلعه وهو ماكمل اليوم
رن جوال نواف
نواف: هلا وغلا
سلمان: بشرنا
نواف: راشد جاه عبد الحكيم
سلمان: لامبروووووووووك وساره
نواف: يقولون طيبه
سلمان: لا الحمدالله عطني راشد
راشد: الووو
سلمان: مبروك يابو عبد الحكيم
راشد خلا ص بيتشقق من الوناسه
في الاستراحه
الجد: صباح الخير
الشباب: صباح النور
مروان: هات البشاره
االجد: تراك قشمطتني اذا كان على سبب يسوى ولا مافيه
مروان:هههههه صدقني يسوي
الجد: هات وش عندك
مشعل: انا احتج وش هذا هو دايم له البشارات
الجد: اذا سبب يسوي لكم كلكم بس اخلصو علي
مروان: عبير ولدت
الجد: والله وش جابت
مروان: عبد الحكييم
الجد: ولد ولد الحمد الله الحمد الله
رامي: هاه جدي وين البشارات
الجد: لا انا بخليها لكم اذا تخرجتو بعد شهر عشان تطلع تسوى
مروان: نصبر ونشوف
وائل: خلنا نروح نبشرهم ولنا البشارات
مشعل: مخك تجاري نمشي ونجمع بشارت يالله
العنود: صرت عمه........... اخيرا
رهف: شف واحلام الضعيفه وش تصير
العنود: مدري بس صرت عمه ........عقبال ماصير عمه عيال نايف ( تناظر نسايم اللي ماتت احراج)
العصر الكل راح:
ياسر: اوووف الله يفشلكم حتى المستشفى لازم جماعي
عبد العزيز: اذكر الله يارجال
ياسر: ضاع برستيجي ياخي شف النيرس اللي تساعد معي تدري وش تقول(يقلدها لهجتها المصريه): حظرتك دول اخواتك ولا صحابك
عبد العزيز:ههههههههههههههه والله انك تحفه من التحف
ياسر: شكلي باخذ اجازه
عبد العزيز: اصلا ساره بتطلع اليوم مافيها شي
وعبير بكره بالكثير طالعه
ياسر: اجل باخذ مناويه باليل
عبد العزيز: على راحتك
على المغرب رجعو للبيت (ندى ونسايم فهده وساره ونهى ) اما العنود ورهف قاعدين العمه والخاله
بالبيت راحت ساره تنوم بعد\ الحاح من ندى
ندى: نهى فهده وش رايكم مانروح السوق نبدى تجهيز غرفه ساره فرصه مدامها نايمه
نسايم: انتيي اجلسي عندها لانها ماراح تدور غيرك
وانا بروح معهم
فهده: ياااااااي تطاقون علي
نهى: اثقلي لاتهون
نسايم: اصبرو خلوني ادق على فهد
فهد: هلا
نسايم: طلب قل تم
فهد: امري
نسايم:نبي تجي تاخذنا عندنا مشوار انا ونهى وفهده
فهد: امممممم مشواركم بعييد
نسايم: لالا ان شالله انه مو بعيد
فهد: طيب وبن يمكن بالنسبه لي بعييد
نسايم: نبي نروح للمحل اثاث
فهد: بلا هبال
نسايم: والله اني صادقه
فهد: ليش
نسايم: نبي نشتري غرفه للساره هديه مننا لها
فهد: اها طيب تجهزو وبجي
مرهم فهد وراحو
بالمحل
نسايم وفهد بجهه ونهى وفهده بجهه
نسايم: هذي ولا اللي شفناها قبل
فهد: وانا وش دراني عن ذوقك يالبنات
نسايم: اصبر نتصل على المتخلفات
فهد: حلوه حلوه المتخلفات
نسايم اتصلت عليهم وبيجوونها
فهد: اللللللللله هذي الغرفه ولا بلاش
نهى: الوانها ستايل بس خساره للاولاد
فهد: هذا المطلوب
نهى: توك مغير غرفتك ماصار لها 3 شهور
فهد: لا لامو لي للفارس انتم مو احسن مننا بشاور العيال عليها
نسايم: شوفو فيه ثلاث غرف اعجبتني هذي وهذي وهذيك بنخلي رهف والعنود يمرونها ونقرر
فهده: الله يالمشوار خذي مجله المحل وخلاص
نسايم: صح
فهده: مشكله مخك مسكرماعليك شرهه متزوجه
نسايم: سخيفه وماتضحكين ولا في امل تضحكين
فهده: احاول وش عليك.........نهى
فهد: خلصتو
نهى: اصبر فهيده وش عندك
فهده: ابدا ولا شي هونت بالبيت اقولك
فهد: مسوين فيها اسرار يالبزران
فهده: من من من البزران
فهد: اوش الله يفشلك ان كانك بتفضحيني
فهده:هههههههه عشان تعرف تعترض علي انا فهده
فهد: وتبن
فهده: وشو ماسمعت
فهد: ولا لاشي يالله عسياره وراي مشاوير
++++++++++++++++++++++++
اليل الساعه2
رهف: طفشانـــــــــــــه وماعندها احد استغفر الله حتى نوم طفش مني وش اسووي طاحت عينها على
اللاب توب اللي مافتحته من عقب هذاك اليوم
افتحه ولا لا الا بفتحه لازم اسوي مثل ماقالت لي العنود اتخطى كل الموضوع ولا بدمر نفسي
فتحته بتثاقل كتبت الباس وورد وفتحت ايميلها
معــــــــــقوله اون لاين
فارس: من ججه ثانيه جالس بالساحه قبال الثيل وشابك النت وجالس على امل يلقاها ويحوس بالمنتديات الا ان نقزله شباك المحادثه يعلن دخول رهف
فارس: عشر دقايق من التفكيير العميق
رهف: كانت مذهوله للحين هو ماسوى لها بلوك ولا اديليت وسرحت بافكراها بعيد فارس كتب وارسل لها:
..((تدريـن و ادري))..
تدرين وادري بنفترق
تدرين قلبي بيحترق
حنا اتفقنا في كل شي الا الزمن
عيى الزمن لا نتفق
ولاتزعلي لو نفترق
قلبك خلي
وقلبي انا اللي بيحترق
..........................
ياوردة في كل الفصول
يافرح عيّى لايطول
قولي واقول
ان كان عندك لي حلول
يافرحة القلب الحزين
الوقت يمر ..
ومالك عذر
كانك تبين ننسى العمر ..
ننسى السنين
وانذوب في حب وحنين
تدرين وش سر الحكاية
الوقت يمر .. ولكل شي لابد نهاية
وحنا قربنا من النهاية
ومالك عذر
يابسمة الثغر الخجول
ان كان عندك لي حلول
وان كان ودك نتفق
والا ترانا بنفترق
ولاتزعلي لو نفترق
قلبك خلي
وقلبي انا اللي بيحترق
..........................
ياحب .. يادنيا جديدة
يا احلى ابيات القصيدة
ان كان جرحي ما كفى
انزفلك جروح ٍ جديدة
وان كان شعري ماوفى
انسى الحكي وانسى القصيدة
يا احلى ايام العمر
كثر الحكي وش بيفيد
ومابقى عندي صبر
والجرح في قلبي يزيد
مالك عذر
يابسمة الثغر الخجول
ما اظن عندك لي حلول
وما اظن ودك نتفق
واحنا ترانا بنفترق
ولاتزعلي لو نفترق
قلبك خلي
وقلبي انا اللي بيحترق
........................
((القصيده للشاعر الكبير الامير عبدالرحمن بن مساعد))
.......................
غمض عينه خاف انه ينصدم من أي شي ترك المجال لها تفكر ماوده يتكلم او يفكر اتبعه التفكيير واجهده
رهف قرته وبدت تتالم لان كلامه يضرب بالوتر الحساس صح هو يوم ارسلها كان يقصد هدف وصاب هذا الهدف بجداره
رهف لا لامالازم اضعف لازم ارد عليه بس بس ايش اقول ايش ابرر بعد تفكير كتبت:
لا تلوموني
------((يتبع))-----