البارت الخامس عشر
وصلو للاستراحه ونزلو جت سياره جنبهم كشخه وفيها باشا جالس جنب اللي يسوق
العنود: اخصصص شوفو هذا جاي ومعه باشا
رهف التفتت: نسايم هذا هو اللي تو كان عند الباب
رن الجرس وطلع نايف
نايف: هلا لها وينكم ابطيتو جدي هناك مولم النعال
نهى: اكيد عقب حركه امس
عبد العزيز ينزل عفش البنات
فهده: ياحليه عزيز بينزل الا شياء كذا
رهف: من يومه وهوو حليل امشي ندخل
نزل الشخص الي بسياره بعد مادخلو البنات والزحمه حقتهم كان نايف وعبد العزيز واقفين ينتظرونه
.......: السلام عليكم
نايف+ عبد العزيز وعليكم السلام
نايف: هلا اخوي
ويطل وراه: باشا هنا بعد
....: هلا فيك هنا حمد عبد الرحمن ال.........
نايف: ايه تفضل
عبد العزيز دخل قبلهم وهو ساكت وشخص بنفسه وش فيه ساكت
دخل عبد العزيز وسلم على جده ودخل نايف وراه واحد ( الشخص كان لابس قميص اسودكات وبنطلون جينز لونه على اسود ونظاره عاكسه وكاب مفتوح وشعره كان طويل نوعا ما وعلى كشخته مبين انه كئيب)
الجد: هلا والله بضيوف نايف
نايف: جدي هذا جاي لك
الجد بدى الشك يتسرب بعروقه: هلا ياوليد تفضل
الشاب كان مبين عليه انه متاثر بشوفتهم فصخ النظاره ةالجد زادت شكوكه نفس الوجه والملامح معقوله وقطع عليه التفكير الولد قرب ونزل نفسه وسلم عليه وحب راسه
الجد كان مبين توتره والقاعدين العمان بدت لهم نفس الشكوك اما الشباب يناظرون كانهم تلفزيون
الشاب جلس على ركبته وقال : طلبتك
الجدبصوت مخنوق: تم
الشاب: سامح ابوي سامحه
الجد: من انت؟؟
الشاب سكت ونزلت دموعه
الجد: ريحني ريحني وقلي من انت
الشاب: انا فارس سلطان حمد
الجد: وحظنه
العالم مستغربه وش السالفه
الجد بعده: وين ابوك جاي معك
فارس: لا
الجد: قله يجي لايخاف انا مسامحه منب طارده
فارس يصيح: ابوي مات مات
الجدانصفق وجهه وعدموع بعينه
: لاتصيح ياووليدي لاتصيح كلنا على هاطريق( وهويمسح دموعه بطرف شماغه)
فارس: من وحنا صغار وهو يتكلم عنك وعن عمي عبد الرحمن كان يحبه ويسولف عنه كثير
الجد قال هذا هو
وياشر على ابو عبد العزيز: اللي قام وحظنه
ابو عبد العزيز: ياريحه الغالي لاتبكي
الشباب طايره عيونهم
التفت فارس بعد ماسلم على عمامه
فارس: تكفى ياجدي
جد: وش تبي بس
فارس: سامح ابوي وحلله وتراه موصيني قبل مايموت اني اخذ بخاطرك واخليك تسامحه
الجد: ياوليدي لاتزعل ابوك انا منسامحه من زمان والله يشهد انه بكل صلاه له دعوى
فارس ابتسم هذا اللي كان يبيه اهل وعزوه وعمام: التفت على الشباب
الجد: هذول عيال عمك اقعد تعرف عليهم ياعيال هذا ولد عمكم سلطان فارس
مشعل: انا عندنا عم اسمه سلطان
الجد عطاه نظره قااااااااااتلله جدا
وانطم وسكت
جا وجلس وعطاه عبد العزيز منديل خذه منه
: مشكور
سكت شوي هدى وهم مطيرين عيونهم يشوفونه
فارس: ايش اسماءكم
مروان: انا بعرفك عليهم
نبدى من هنا
معك مشعل ولد عمي عبد الرحمن وياشر على عمه- رامي ولد عمي هذا- وانا 18 سنه ثالث ثنوي وهذاك ابوي
وهذا اخوي فهد25 سنه موظف
وهذا نواف 25 موظف هذا عاد ولد عمتي لطيفه
فارس بذهول: ماشالله
وهذا سلمان 26 سنه توه متخرج
فارس: انت ومن ابوك
سلمان ابتسم: هذاك
فارس: ناظره ورجع له يناظر: يعني انت عمي
سلمان: ايه
فارس: طول عمري اتمنى انو عندي عم قريب من بعمري
مروان: خل الغزل بعدين نكمل
وهذا نايف الشايب 28 موظف منذ مبطي
فارس: ايش يعني منذ مبطي
مروان: هذا يعني من قديم الزمان
فارس: اها وهذا بعد عمي
مروان: لا هذا ولد عمتك اخو نواف
نايف: طلعتوني شايب
وفيه حمد بس رايح يجيب لبن وبيجي
فارس: تشرفنا
سلمان: الا قلي انتو وين كنتو عايشين
مشعل بيتميلح: يعني البديعه السويدي العليا الرحمانيه
فارس:؟؟؟ وش هاذي المدن
نواف: مدن مره وحده حبه حبه لاتضخم الامور
سلمان: هذي احياء هنا
فارس: اها لا انا كنت بااسبانيا
فهد: الله الله اسانبا مره وحده
فارس ببراءه:ايه
دخل حمد ولا بس برمودا وبلوزه فيها من ورى بنت ترقص
مروان: مشيعل مشيعل الحق حمد
مشعل: حمد وراك وراك الحق
وحمد مسيكين التفت والجد شاف صوره البنت
وفصخ النعال وانتو بكرامه وطخخ بظهره
حمد: اييي حرام عليك ليش تطق
الجد: اجل حاط هالمتخلفه بملابسك وتبيني اسكت
نواف: ابوي حمد تراه راح يصلي المغرب فيها
الجد مسك راسه: يكبرها عند الله يكبرها انت ماتستحي
راح حمد وحب راس جده: السموحه بس والله حرام اوجعتني لعد تطق
الجد: اها عن اللواقه ورح سلم على ولد عمك
حمد: اسلم عليهم بخشتي اربعه وعشرين ساعه مال منهم تقول سلم
الجد: سلم على ولد عمك سلطان
حمد: افا جدي شكل الزهايمر بدى يجيك
بتعررس والحين مطلعلنا عم
الجد : اذلف لا اكفخك ورجفه برجله
حمد:لااحول ليش تزعل من الحق طيب بروح
وراح وجلس: والله جدكم على انه شايب فيه شده وهو يلمس مكان الطقه يوم رفع عيونه شاف ذا الولد الكاشخ وش حليله جالس
سلمان: قم سلم االله يفشلك
سلم حمد: من الاخ
فارس: انا ولد عمك سلطان
حمد:؟؟؟؟؟
سحبه سلمان اقعد اقعد وبعدين افهمك
وجلسو يسولفون الجد اغتنم الفرصه بيراضي ساره
خذا الجد التليفون ودق على علىا لصاله مكان الحريم
والجده ناسيه عمرها ردت
ساره:الو
حمد: هلا والله
ساره: خير
حمد: ولا عليك امر اطلعي بحاكيك
مشعل: شببااااااااب اسمعو جدي يغازل امي ساره وقامو يتسمعون
ساره: اسفه مااقدر
البنات ندى: اسمعو جدتي تتغلى على جدي
نسايم: وبعد تصرف
حمد ليش عاد يلله اهون عليك
ساره تهون وليش ماتهون
حمد حس انه مافيهاامل
حمد: عندي خبر عن سلطان اطلعي بقولك
الجده ماصدقت طلعتله
------((يتبع))-------