قريتها وعجبتني حيــل ...
قصيده لله درها ..
لافض فو من كتبها ..
/
\
/
\
تـكــررت عـقــب الـبـطــا والتـقـيـنـا....من عقـب مـا مـرن سنيـنٍ طويـلات
فــي صـدفـةٍ فيـهـا حـشــا مـادريـنـا....ولاهقـيـنـا نلـتـقـي عــقــب مــافــات
لاشـــك جابـتـهـا الـلـيـالـي وجـيـنــا....رغم الفراق ورغم ذيـك المسافـات
فــي مـوقـفٍ بـــان الـتـوتـر علـيـنـا....لحظـه تليـن إبهـا القلـوب القـويـات
قـالـت شلـونـك قـلـت ربــك عـويـنـا....الحمـد لله عاضـنـي عـقـب لـوعـات
الله رزقـنــي فــــي هــنــوفٍ تـبـيـنـا....احيت خفـوقٍ كـان بإعـداد الأمـوات
هـي نـور عينـي فرحـتـي والضنيـنـا....ألقابهـا عـن ضيقـة الصـدر سجـات
قالـت سلـيـت وقـلـت عقـبـك سليـنـا....لكـن عقـب مالاعـنـا الـحـب مــرات
قـالــت شـلــون وقـلــت لاتسـألـيـنـا....مـافـات فــات ولا تفـيـد الحسـوفـات
قـالــت تـكـلـم قـلــت مـهـمـا حكـيـنـا....الـدمـع ماينـفـع عـزيـزٍ الـيـا مـــات
قـالـت نسـيـت وقـلـت لامـــا نسـيـنـا....لكـن قنعـنـا والقنـاعـه مــن الــذات
قالـت أروح وقـلـت وش فــي يديـنـا....روحي عسى في كل خطوه سلامات
بصـبـر عـلـى فـرقـاك مهـمـا حييـنـا....ولا تـشــوه صــــادق الــحــب زلات
قـالـت عـلـى مـاكـنـت دنـيــا وديـنــا....تـكـرم ونـكـرم عــن دروبٍ رديـــات
قـلــت اسمحـيـلـي قـبــل لاترحلـيـنـا....يــم الـديـار الـلــي علـيـنـا بـعـيـدات
تــــراي ذخــــرٍ لاحــدتــك السـنـيـنـا....اجـيـك مهـمـا واجهتـنـي صعـوبـات
من اليوم اخـوك وغيرهـا مـا بغينـا....كلي فـداك ان صـار بالوقـت ميـلات
وتبسـمـت بإعـجـاب مــدري حنـيـنـا....وتهـشـمـت قـــدام عـيـنـي بـعـبـرات
قـالــت فــمــان الله قــلــت انتـهـيـنـا....واقفـت تكلـم نفسـهـا بــس بسـكـات
وقـفــت تـقـديـرٍ لـهــا ثــــم مـشـيـنـا....دربٍ مشـوه اهـل القلـوب العفيفـات
امــشــي واردد لـيـتـنــا ماالـتـقـيـنـا....وش جابها عقب السنين الطويـلات