صبرك على نفسك ولاصبر اصدق اصحابك عليك = واشتال حملك طا لما ان المشكلات صغيره
لوساعدوك اصحابك بهذيك والا في هذيك = يجيك يوماً به تشوف وجيههم متغيره
ان كان ماتشرب من الماء الصافي بفعل يديك = يوقفك راعي البل عن الماء لين يروى حويره
واصحاب طنخات الرخا ان شان وقتك ماتبيك = تطرد حمام ن طار والا تطرد اللي طيره
الطيب الله ينصره درع ن وسيفن يحتميك = جنب وجيه اهل الردى وانص الوجيه الخيره
واللي عمل معروف جير موقفه تجيير شيك = وراعي الردى مايمنع انك ماعمله تجيره
والفرع من ساس الاصل والاصل ساسه يحتويك = ان اعجبك اوماعبك ماتستطيع تغيره
والخال يورث لك صفاته قبل صيفت والديك = وكلك خطا وان شفت مخطي لاتقوم تعيره
ولانته لحالك بالزمن اللي على غيرك عليك = ولاينحني للذل راسك والحياة قصيره
[/quote]