الهاجس اللي كل يوم يزورني بعد العصر = والضيقه اللي مع حلول اليل دائم دائمه
برنامجي مايختلف سهرالى بعد الفجر = والنفس لوتبي السلامه منه ماهي سالمه
ماغير انا والهم تقل اخوان من بطن وظهر = واهل القلوب الخاليه وسط المضاجع نايمه
بنيت بحلامي مدينه شكل الاهرام بصر = واهديتها لفراعنة شعري بدون مخاصمه
واكبر فراعنت الشعر جبته واهديته قصر = وقلت استلم بلد فراعينك بقصر العاصمه
ولمؤسسة نقد البيوت النادرات ام العبر = عين لها وزير متواجد واموره والمه
ابيه لامني زهمته ضايق(ن)بالي حضر = يصرف من الخزنه بيوت الشعر هذا لازمه
كله لعينك يالطيف الروح يالموت الحمر = وشيءٍ يغيضك سجله ببلاك لست القائمه
حبيبتي ابي السموحه منك واهديلك عذر = يمكن تجاوزت الطريق ولاقريت القارمه
انتي تعرفين المولع لاتولع ينجبر = خص(ن) ليامنه عشق شرواك محدٍ لايمه
انتي قمر في ليلت(ن) قمراء وفي نصف الشهر = بعيد عن نور البلد واجواه ماهي غائمه
الله يعاوني على غيابك ويعطيني صبر =ولا الصير غني (ن)حارس(ن) ماله وربي حارمه
اما انتظارك والله انه طيب غصب ابا النتظر = والله يناصف كل مضلوم(ن) من اللي ضالمه
تدري وش الهرجه احبك بالكلام المختصر = والله يحقق حلمي اللي في خيالي حالمه
من لاعشق شرواك والا لايعشق طول الدهر = لااااعل ماتقوم لخبول المحبه قائمه
وحب المصالح والتلاعب والخيانه والغدر = الله لايكثر مابين اعيال حوى عالمه