تخوفني مشاويـر الطريـق المظلـم المهجـور
واليامنـي ذكرتـك قلـت طولـي يامشاويـري
عزاي انك رجاي العذب لو كل الـدروب عثـور
وصلت اوماوصلت اعرفك ما انته منتظر غيري
حبيبي ..وكل الله لاتحسب إنـي بليـد شعـور
لو انت المستحيل الصعب .. ماابدي لك معاذيري
احبك ..رغم تجريـح الليـال لقلبـي المقهـور
اشوف الجرح يكبر وانت تكبر وسـط تفكيـري
احبك .. لو يموت الحب وتصير القلوب قبـور
احبك كلمـة لـو حرموهـا .. حـل تفكيـري
احبك من هنا حتى طلوع الفجـر ..حـد النـور
صحيح انك قدر محتوم بـس اجمـل مقاديـري
بعذر اللي يحبك لو يصيـر الشاعـر المشهـور
لأنـك تنهمـر حلـو القصيـده فـي تعابيـري
احد ربي يحطك له حبيب ..ومايجيـه غـرور ؟
وانا مهمـا بغيـت استوعبـك ياقـل تقديـري
هلا بك من قدمك ... لغرتك لي شعرك المنثـور
هلا في كل شيٍ فيك وانـت اغلـي مساييـري
أثر صدق الغلا يجبر حطام الخاطـر المكسـور
وانا مهما منحتك من غلاي اشعـر بتقصيـري
ولو طالت مشاوير الطريق المظلـم المهجـور
انـا لامـن ذكرتـك قلت..احبـك يامشاويـري