أكلِّمك .. وأتخيِّلك .. إللِّي على بالي وأبيه ,
خنتك ولا صنتك وخانت كلمتي تعبيرها !
أدري بأنِّي كنت لك مثل الوطَن ترتاح فيه
وحَاولت في صروح المحبَّة جاهداً تعميرها
إللِّي أحبَّه وأعشق ترابه ( رحَل ) وأصبحت تيه
قلِّي شسوِّي والمشَاعر ما خذت تحريرها , !
الله يعلم ما بدر منْك الخطا وما لك شبيه
بسْ أنت أعلم بالمحبَّة سِحرها وتأثيرها !
تدري حبيبي ؟! أنت أكثر شخص كنت أكذب عليه !
بالله لا تزعل علي ..!! ( تكبر وتاكل غيرها ) !