أسير التعاسه
.
.
.
ياقيس ليلى .. كل ليله .. لها قيس
............................ ومع كل قيس .. تعيد نفس السياسه
نفس المشاعر، والغزل ، والاحاسيس
............................ مثل الحصص داخل فصول الدراسه
ياقيس .. ردوا من غلاها ، مفاليس
............................ طعني .. قبل قلبك .. تجيه انتكاسه
ابك انت فارس من ظهر قوم فريس
................................. ماكل بنتٍ تقدر .. اتجيب راسه
يازينك بعيني قبل .. دفش ،، وحنيس
.............................. يومك تشوف ان التغزل .. طفاسه
يوم ان حلمك تشتري .. جيب تطعيس
................................ كانت حياتك .. بين ضحك وناسه
حتى عشقت وصار وضعك لواليس
................................. ولبست ثوبٍ مامقاسك .. مقاسه
ضيعت حالك ، واتعبتك الهواجيس
.............................. وملقبٍ نفسك .. ( أسير التعاسه )
عيرتني في ( كاسة الشاي ) ياقيس
......................... .. لين ابتلاك الله ... وحبيت ( طاسه )
// خلف المشعان//