(شبكة ومنتديات الشميلات الرسمية) - هزاع الساري ..عنزة ماهي بحاجة كتابه

- الشعر النبطي (http://alshemailat.com/vb/forumdisplay.php?f=77)

- - هزاع الساري ..عنزة ماهي بحاجة كتابه (http://alshemailat.com/vb/showthread.php?t=12870)

هزاع الساري ..عنزة ماهي بحاجة كتابه

عنزة ما هي بحاجة كتابة

الحر عمره ما يهاب العصافير
.......................... هذي الاجابه لا بغيت الاجــابه
خلك معاي شوي واعطيك تفسير
.......................... عن الشجاعه والكرم والمهابه
وعــن المراجل والدلال المباهير
..........................وعن البطوله والشيم والرحابه
متردد اكتــب عنها يا معيثير
.......................... لان عـنزه ماهي بحـاجة كتابه
من دور بن كلثوم مع سالم الزير
............................ عيال وايل عـن ثمانين لابه
ان كانها طنخه تراهم مساطير
......................... وان كـانها فزعه تراهم ذيابه
وان كانها وقفه بوقت المعاسير
...........................اقـصى عنزي وقت الشدايد قرابه
ويومنها بسيوف حدب ٍ مشاطير
.......................... كـل القبايل ما حسبنا حسـابه
نعم ٍ بهم اجواد من دون تحقير
........................... والنعم كايد والقروم اتشـابه
لكن انا اقول عنزه دايم ٍ غير
............................ ويثبت صمود رجالها بالمجابه
اللابه اللي ما تحسب المخاسير
.......................... اهل الكرم من قبل عصر الصحابه
اللابه اللي مابها اي تقصير
.......................... ولاصــارت الـهيه شموخ وصــلابه
وللجار قدر وحافظين المقادير
.......................... وللضيف حشمه وارتفاع ورحابه
وللصاحب الصاحب مكانه وتقدير
........................... يلقابها عـز الخوي والمهابه
والبيرق اللي كاسبه سالم الزير
............................ دايم يجملنا بـوقت الحرابه
بيرق ظفر ماهو هياط الشواعير
........................... ولنا الفخر يومنه الزير جابه
وبختامها خذها وعليك التفاسير
............................ ترى عنزه ماهي بحاجة كتابه
واكبر دليل رجالها بالمعاسير
.......................... واقصى عنزي وقت الشدايد قرابه

اخوكم هزاع الساري