لو دارت الدنيا وتغيرن الافلاك= وصارالزمان اسود علي ورماني
ما ظنتي يطري على بالي انساك= ما انساك طول العمر والعمر فاني
اغليك ابو جريد عسى عمري يفداك= اغليك كنك واحدٍمن اخواني
واشكي غيابك ليش طولت وش جاك= ومن غيبت النسيان اثرك تعاني
اشكي عذاب القلب لاجيب طرياك= واشكي دموع العين نومي جفاني
وين ابو جريد وينكم وين دنياك= من غيبتك مهموم همٍ طواني
واصيح انا يالذيب وبالصوت انخاك= الذيب نام وفز مطلق وجاني
قلت ابو جريد اتعب القلب ذكراك= ابوصفك والوصف يعجز كياني
الزين زين القلب يازين ممشاك= والطيب طيب الروح شوق وتهاني
والعبقريه فن والزين حلياك= وبالمرجله والصيت منت بجباني
شكواي لله ثم شكواي شرواك= اشكي لكم ياطيبين المعاني
شخص تخفى من ورا الدين لهناك= ومن عقب علو الصيت هبط وشاني
نذل وخبيث وخاين العهد(..؟..)= واذا وزنته بالبشر جنس ثاني
ياجعل سم الموت هاري وفتاك= يفتك بجسمٍ بات بالعهد خاني
ياعنك جعل الزين والطيب بقفاك= وسودا على اللي مثل ممشاك كاني

ضحك علي وقال بلواي بلواك= ونصب علي بضحك سنه شراني
قالو غشيم وقلت بيعت الاملاك= بلوه من الله طيب قلبي عطاني
يالله انا طالبك يالله وانصاك= ترحم بحالي قبل فوت الاواني
تخلص جميع الانس من كفر واشراك= وامثال مثله جعلهم للفواني

المشاركة الأصلية كتبت بواسطة سـ ح ـر الغرام (المشاركة 85937) الشميلاني موسى.. شاكره لك كل الشكر لروعة طرحك وجماله قصيده رااائعه وجميله صح السااانك اخوي ننتظر المززززززيد لك ودي واحترامي..