مذهان

دمعان

خبلان



أبطال مجموعتي القصصية

عبارة عن قصص خفيفة تلامس مشاكل نعانيها في حياتنا اليومية

من خلال: أسماء ثلاثة شخصيات:اشتهرت عند القدامى والبدو الرحل







القصة الأولى







طق طق طق

يدق الباب

وبصوت مزعوج من دقات الباب:يصرخ:دمعان مين عند الباب:يرد خبلان:هذا أنا أفتح لي الباب أن خبلان

يرد:دمعان وهو يفتح الباب:ياليل خير وش تبي أنت؟

يرد دمعان:آفا وهذا وإحنا تونا متعرفين على بعض

إلا وين مذهان ؟

يرد: لاياشيخ ليكون أنا أبوكم:وجايبكم وناسيكم

ما أقول : لاعادت من وظيفة يوم اجتمعنا حنا الثلاثة عليها،عاد تاليتها وظيفة تستأهل حارس أمن وعاملين زحمه

وفي الأخير:أكلنا هواء حنا الثلاثة وأخذ الوظيفة واحد يقرب له موظف بالبنك

يرد خبلان:الشكوى لله مامعي حظ ولا أن أفضل واحد فيكم معي أولى ثانوي

يرد عليه دمعان باستهزاء:لاياشيخ لايكون أحد كاذب عليك وقايلك: أن أولى ثانوي شهادة كبيره زي شهادة الماجستير

يرد خبلان : على الأقل:أولى ثانوي ونهاري بعد أحسن من ثلاث متوسط وليلي لا وساقط فيها سنتين

ومع هالمناقشات

يطق الباب مذهان:وهو ينادي على:خبلان ودمعان

يفتح الباب دمعان ومعه خبلان:خير خير : أرعبت الجيران بصوتك

يرد:مذهان:ماعلي من أحد:جايب لكم خبر راح يعجبكم

دمعان:يوه لاتقولي وظيفة أنا خلاص فقدت الأمل

خبلان:ياخي أنا أبي لو مره تقول كلمه حلوه وفيها تفاؤل : دايم متشائم

دمعان:ياخي غصب:تعقدت من شي أسمه وظيفة :حتى الوظايف اللي دخلها قليل فيها واسطه

مذهان:أنتم وش فيكم اللحين:سويتولي الحوار الوطني هينا

لقيت لكم وظيفة حلوه وفيها أجر

غير ذلك

كل الناس ماراح يروحون لها الوظيفة : وهالوظيفه :راتبها حلو: وفيها مساعدات من أهل الخير

وبعدين مهي متعبه: بالعكس لمه حلوه مع ناس حلوين وقهوة وشاهي وعلوم غانمة

دمعان وخبلان:بصوت واحد : شوقتنا وش هالوظيفه

يرد:مذهان

الوظيفة:بدار العجزه: حنا فقدنا أبائنا وأجدادنا : وأنتم تشوف هالدنيا وتقلباتها

صار كل شيء فيها بالمقلوب

وهالطيبين:تخلوا عنهم عيالهم، وحتى الزيارة مايزورونهم

حنا راح يكون دوامنا من بعد صلاه الفجر الين بعد الغداء

والعصر:يبدأ دوام موظفين غيرنا الين بعد العشاء

الراتب:3000 ألاف وفيه زيادات وأهل الخير مع الوقت راح يسكنونا ببيوت ويزوجونا

الأهم أننا نكون أولاد لأبابئنا اللي تخلوا عنهم أولادهم بعد كل اللي سوه لهم

هاه وش رأيكم ياحلوين؟

دمعان:وهو يبكي:ياخي خلاص أنت مابقلبك رحمه: فرحان بالوظيفة ومو مصدق

خبلان: توقعتك تبكي علشان هالأباء اللي تخلوا عنهم أولادهم، وأثاريك تبكي علشان لقينا وظيفة

ياخي أستح على وجهك

مذهان:يعني أعجبتكم الوظيفة

دمعان وخبلان:أكيد حنا ماصدقنا لقينا وظيفة

مذهان:أجل خلاص بكره الصباح خلوكم جاهزين



مذهان مذهان مذهان



يقوم مذهان ويطالع : أخوياه خبلان ودمعان

خير وش السالفة

حنا وين بدار العجزة

ولا بالبيت

يطيح خبلان بالأرض وهو يضحك:شكل مذهان يتحلم أننا كبرنا وساكنين بدار العجزة

بدري خلنا نتمتع بشبابنا ولاحقين على دار العجزة

مذهان:لا ياخوي أنا تحلمت أننا لقينا وظيفة حلوه هناك

بس آه يا القهر طلعت وظيفتنا بدار العجزة : أحلام في أحلام

مذهان:إلا أنا وش اللي خلاني أنام

خبلان:أنت مانمت بس لما راحت علينا وظيفة البنك أغمى عليك

مذهان:اها أيه صح راحت الوظيفة ووظيفتنا اللي بدار العجزة راحت

آه ياقهر

ويطيح مذهان مره ثانيه ويغمى عليه

لما أكتشف أن الوظيفة اللي بدار العجزة طلعت حلم .

ولازال مذهان وخبلان ودمعان

يبحثون عن وظيفة