|
وقصيدة القهوة هذه أضعها موثقة برواية الربيعي
وقصيدةالقهوة هذه أضعها موثقة برواية الربيعي , والربيعي كان والده راوية معروفا لمحمدالعبدالله القاضي . يا من لقلب كل مـا التـم الاشفـاق من عام الأول به دواكيـك وخفـوق يجاهد جنود في سواهيـج الإطـراق ويكشف له أسرار كتمهـا بصنـدوق إلى عن له تذكار الأحبـاب واشتـاق باله وطف لخاطره طـاري الشـوق قربت له من غايـة البـن مـا لاق بالكف صافيها عن العذف منسـوق احمس ثلاث يانديمـي علـى سـاق ريحه على جمر الغضا يفضح السوق واحذرك والنيـة وبالـك والاحـراق واصحا تصير بعاجل الحمس مطفوق الى اصفر لونه ثم بشّـت بالاعـراق صفرا كما الياقوت يطرب لها المـوق وعطّت بريـح فاضـح فاخـر فـاق لا عنبر ريحـه بالأنفـاس منشـوق كبه بنجـر يسمعـه كـل مشتـاق راع الهوى يطرب إلـى دق بخفـوق واحشه بدلـة مولـع كنّهـا سـاق بلـورة مربوبـة تـقـل غـرنـوق خله تفوح وراعـي الكيـف يشتـاق إلى طفح له جوهر صح لـه لـوق أصغر قمـوره كالزمـرد بالاشعـاق واكباره الطافح كما صافـي المـوق زله على وضحا بها خمسـة أرنـاق هيل ومسمار بالأسبـاب مسحـوق مع زعفران والشمطري إلى انسـاق والعنبر الغالي على الطاق مطبـوق إلـى اجتمـع هـذا وهـذا بتيفـاق صبه كفيت العوق عن كـل مخلـوق بفنجال صين صافي عنـه الارمـاق تغضي وكرسيـه غـدان لمعشـوق إلى صب فابصر جوهره تقل شبـراق رنق تصور بالحمامة علـى الطـوق شكل غرا الفنجال لونه كمـا انـراق دم لقلب وإن مـزع منـه معلـوق خمر إلـى منـه تساقـى بالأريـاق عليه من ما صافي الـورد مذلـوق راعيه كنـه شـارب كـاس تريـاق كاس الطرب وسرور من ذاق له ذوق يحتاج من خمر السكاره إلـى فـاق خشف تشف شفاه والعنـق مفهـوق عبـث يعيـل بحبـةٍ منـه مامـاق وهو يضاهي زاهي البـدر بشعـوق بين اشفيته إلى غنـج بـارق حـاق عجل رفيفه بارقـه غـرق بطبـوق سحر كتب من حبر عينيـه بـاوراق خديه صاديـن ونونيـن مـن فـوق كن العرق بخدودهـا حـصّ أرنـاق ينثر على صفحـات بلـورة الشـوق إلي تبسـم شـع وأشـرق بالآفـاق نور يفوق البدر مع حسـن منطـوق بالعنق كنّ الورس والمسك بـه راق ما مشخص في صدره الشاخ مدقوق يمشي برفق خايف مدمـج السـاق يفصم حجول ضامه الثقل من فـوق إلى صفا لك ساعة وأنـت مشتـاق فاقطف زهر مالاق فالعمر ملحـوق وإلى حصل ما قيل عندي فـالارزاق بيـد كريـم كافـل كـل مخـلـوق هذا وصلّوا عـد مـا نـاض بـرّاق أو ما شكا الفرقى شفيق ومشفـوق على النبـي مـا زِج زاج بـالأوراق وآله وصحبه عد ما سيق مسيـوق |
رد: وقصيدة القهوة هذه أضعها موثقة برواية الربيعي
اخي العزيز خالد جليدان شاكر لك هذا الطرح الرائع وكنت اتمنى ان ترفق القصه معها لتكتمل الروعه والتميز والرقي بعدين لا تنسى انت مطالب بطرح قصتين عن الأيام الماضيه لك تحيتي وتقديري |
رد: وقصيدة القهوة هذه أضعها موثقة برواية الربيعي
بدر الشمال يسلمووو يابو عبيد وابشر وارجو المعذره تخبر من ملكة الضاهر خربنا ههههههههه وللحين ماجاء العرس ياخوفي يابو عبيد الامووور تتغير بس انشالله اخووك يعجبك ويتم على ماهو مابقى شي على العرس انشالله ثاني ايام عيد الضحيه اذا الله تمم بس خلاني الحق عمري واسافر كم سفره هههههههههههههههههههههههههههههههههههههههههههههههههه هههه |
| الساعة الآن 02:10 PM. |
