مدري علامي صرت ضايق ومليت =وقعدت أفكر في زمان ٍ مضالي
وسالت دموعي فوق خدي وصديت =صدت حزين ٍ غربلته الليالي
لا شك أنا ما أنساك مهما تناسيت=ورقمك بدقه كل ما ضاق بالي

شفت الرساله ياا بو فـارس وفـزيت=فــزت جـنوبيــا نـخالـه شـــــمـالـي
شــربـت فنـــجال المـهـــيل ونيـــت=ليـتك دريت بحالتي وش جـــرالـــي
فكرت بــالي لا نــخيـته تــعـزويــت=وأزريت ما أدري وين يمة رحـالـي
فطـن علي القشـمري شـايع الصـيت=هــزاع لا عدوا زحــول الرجــالـي
وين انــت يالي بـالمـعالي تــعليــــت=غــير انــت مالي بالـرفاقه مـــوالي
انـت الــذي بـ االلازمــه ما تـخـفـيت=موقـــفـك دايـــم باللـزوم ارتجــالي
عشــقت انا يامسندي فــيه وادويـــت=اللــي خيــاله مـا يـفارق خــــيالــي
يــوم رمـضان ويـــم داره تـعـــنيــت=من كـثر ما هـو ياابن الجواد غالـي
من لوعــتي ياطــيب الراس حــــنيـت=حنيـت لــه حنـــة خلــوج المتــالي
من يوم شفته ناعس اللــطرف حسـيت=بأجمل شـــعور ما تــصــور بالـي
يــوم الوداع من ازرق الدمــع هلـــيت=دمـــع يــشادي رش وبــل الـخيالـي
دقيت سلف الجيب واغـضيت واخفيت=والنار زادت بالضمير اشـتعالــي
حتى الرفــيق اللــي بـــــوده تـقصـــيت= لــوهــو عزيز ونافــــل بالــمعالي
اخــفيت عــنه اللـي جــرالــي وكــنيت=صرت اتـحاشى منــه حتـى السؤالي
ابــو فـــــهــد لا قـلت واعــلنت وابديت= متــعب مــــقر الطــا يله والنفا لي
نــــعم الرفـــيق الـي بفــعله تــبا هــيت= حـلال عضــل المعضلات العضالي

أهلاً هلا يا مرحبا بك وحييت=يا أبو محمد يالأديب المثالي
نسل الرجال الغانمين المناعيت =موسى صليب الراي عرب الخوالي
شهمٍ كريم وباللزم ماترديت =حصفن ٍ فهيم ووافي ٍ بالفعالي
أقولها وأعطي على القول تثبيت =يا سامع ٍ معناي إصغ لمقالي
ليا زرت ديوانه دلهت وتقهويت =ودار الحديث بكل عذب ٍ زلالي
يا عنك ما عذرب جنابك ليا أقفيت =تقبل وتقفي باحترام وجلالي
وإنساجل الشاعر يشوقك ليا أصغيت =وتقول له من قلب يا همُالالي
قيله يشد متابع البيت للبيت =متنومس ٍ راويه أول وتالي
ماهو كلام مجاملين السرابيت =سفل السفالا رايمين السفالي
اللي هذاريهم سفاف وهتاتيت =هزايل ٍ تثقي لكوزة هزالي
يا وقح واحدهم ليا قال حبيت =بغنج يفوق غنوج بنت الحلالي
والمضحك المبكي ليا من ترويت =وفهمت موضوعه بليا جدالي
أبعد مداه كِرمت حول التواليت=ليا قط رقم وجاه صفعة نعالي
قلته على وضح النقا ما توانيت =بأوفى الوفا جاوبت وافي الفعالي
قريت مضمون القصيدة ورديت =ولعيون أبو محمد حذفت العقالي
أبشر بعزك يوم ليًه تنصيت=ما أقول لا جاهي ولا أقول مالي
يا أبو محمد سم باللي تهقويت =راسي فدا راسك بقول ٍ صمالي
رهن الإشارة لو تبي دار تكريت =سقني على الموت الحمر لا تبالي
ما أكون أبو فارس إن إنكفت وأفتيت =لو شفت سو الكارثه والوبالي
ممات ِعز ولا حياةٍ بها ميت =وموت الفخر هو موت عز الرجالي
حدد وعدك وخل عنك التلافيت =وبًشر وليف الروح زاهي الدلالي
اللي على شوفه ولهت وتحريت =لا ما وصاله حان وقت الوصالي
راهن عذولك يوم قررت وانويت =واختر مقر شهر العسل يا لكمالي
ما انت الملوح يوم خاوا العفاريت =هايم على وجه بروس التلالي
ولارومي اللي هام في حب جولييت =حتى هوى من شاهقات العوالي
إنت أبو محمد ما بحلت وتوازيت =عندك بني وايل أسود الهوالي
ولا عاش من يوحي مثل ماني أوحيت =وماينتخي لو خاض بحر النكالي
هبيت يا وضع الغرابيل هِبيًت =بدنيا النكادة والفنا والزوالي
والله ما عمري طلبت وتمنيت =عصر الخفاجي وأبو زيد الهلالي
إلا بعد كثر العنا والتناهيت =باسباب قولك يا كريم السبالي
والمعذرة كاني بردي تماديت =وكل ٍ عذرني لو أحاكي ظلالي
ومع كل هذا ما ماخطمت وتعديت =على عريب الساس وافي الخصالي
رفيقك الوافي ليا قلت وأطريت =نعم الرفيق ليابداله مجالي
لياجا مجاله في مديحه ترهيت =من طيب فعله تفتخر به إمثالي
مثايلٍ ما صغتها للفتافيت =حصنتها عن شاربين الحثالي
أي الذي مواقفه شخط كبريت =محد ٍ درى عنها ولحد ٍ حكالي
واي الذي مدحه يفوق الدناميت =ويسمع أصم السمع صوت السجالي
أبو فهد بالطيب خضَع عناتيت =متعب مقامه ما غشاه الخمالي
نعم الملاذ ليا تعنيت والفيت =بحر المكارم كلها والمعالي
وش ما بديت من التعابير ما اوفيت =حقه من الإنصاف فوق احتمالي
وختامها يا طيب الصيت صليت =على رسوٍل زال نهج الضلالي