(شبكة ومنتديات الشميلات الرسمية) - المال ذلل عزيز وعزز ناس ذليله .خلف المشعان

- الشعر النبطي (http://alshemailat.com/vb/forumdisplay.php?f=77)

- - المال ذلل عزيز وعزز ناس ذليله .خلف المشعان (http://alshemailat.com/vb/showthread.php?t=5037)

المال ذلل عزيز وعزز ناس ذليله .خلف المشعان

(((بســـــــم اللـــــــــــــــــــــه الرحمن الرحيــــــــــــــــم)))

قصيده لـ/ خلف المشعااان العنزي

مادمت تنشد يارفيقي .. عن الحال
مالي على .. كتمانها عنك .. حيله

الصبر عن بوح الاحاسيس .. قتال
والبوح في بعض المواقف ، فشيله

لو كل مايطري على البال ينقال
ماكانت أحس ان الثقيله .... ثقيله

ابطيت اكافح ضيقة البال بالبال
وادفع بلا .. هاجوسها كل .. ليله

لين اقبلت مثل .. السحابه بهمال
تشفي غليل اللي .. تزايد غليـله

رعــــــادها خـــــيلاً تـــدابك وتختال
وبراقها لامــع السيــوف الصقيلـــه

طاحت ، ولاْوفق من حناياك منزال
وسع فضى صدرك ( لـ فيض ) المخيله

يابدر .. يا بدر .. !!
يابدر .. ماني عال .. لو صحتي عال
شفني من الصدمات نفسي عليله

اشيل حملٍ .. لو يشيلنه .. جبال
الله ، وامانه .. غير تصبح نثيله

أرمي .. من هموم الزمن .. واسحب أدبال
وانزل عن ( الجوكر ) وغيري يشيله

من كثر ماشفت بحياتي من انذال ....!!
بديت اشك ان النذاله ... فضيله

ماطاح من عيني رجل ..!! طاحوا .. رجال
ورجال ( يابن حنيف ) ماهي قليله

اقرب من اللي قالهم ضمن ماقال ..
راكان بن حثلين .. راعي الجزيله

( هذا .. ولد عمٍ ، وهذا .. ولد خال
وهذا .. رفيقٍ مالقينا .. بديله )

سبحان منهو يابد غيّر الحال ..!!
وحط الجفا بين الخليل .. وخليله

هذا الزمن يبغاله .. لسان دلاّل .. !
من يستحي هالوقت .. واعزتي له

وقتٍ به ( الراعي ) غدى .. راعي دلال
كلٍ على طاريه .. ينفض شليله ..!!

ومن كان ساسه للردى مضرب امثال
اليوم .. يحسب من كبار القبيله ..!!

المال ..!!
المال .. يابن حنيف ملعون .. ابو المال
ذل العزيز .. وعز .. ناسٍ ذليله ...!!