(شبكة ومنتديات الشميلات الرسمية) - سعودالعواجي ومحاورة العولمه

هاذا (زمــان) العـولمه و التلافيق
واصبح به الـواقع سريع اندماجه

واقع نعيشه عـّم(بعض)المخاليق
اهل الـردى والـزيف قوم الجـاجه
#
سعود بن معزي العواجي
⭕⭕⭕⭕⭕⭕⭕⭕
يامرحبا بك ياجزيل الطواريق
اللي على روس العوالي مداجه

حرن بيده ماتلوح المسابيق
حرن وحش مايتبع إلا مزاجه
#
خالد الركعان
⭕⭕⭕⭕⭕⭕⭕⭕
‏‎الوقت وقت الساذجه والمطافيق
و ا كثر هم الي ما لقينا علاجه

يالله حسن الخاتمه و التوافيق
وتعمي عيون الحاسدين بعجاجه
#
سيف القوافي
ابراهيم حوران الفدعاني
⭕⭕⭕⭕⭕⭕⭕⭕
شوف التجاري له تداول وتسويق
والشي الاصلي مابقي منه حاجه

واشيي اللي قطع عروق المعاليق
كل ماشتري فولاذ يصبح زجاجه
#
مرعي بن حديجان المطردي
⭕⭕⭕⭕⭕⭕⭕⭕
لاتنزعـج (يابن الـعـواجـي)ولاتظيق
لابد بعد الظيق تـجـي انـفـراجـــه

لو شفت حول الاش دحه وتصفيق
يبقى الدجاجـه لومدحته دجـاجـه
#
طالب ونيس السلمي
⭕⭕⭕⭕⭕⭕⭕⭕
ياحّي قاف(ن) بدعه اليوم تنسيق
من شــاعر(ن) كن المراجل سراجه

ياســــعود لاتشكي زمان المطافيق
هــذا الزمن ياسعود واضح خراجه
#
حمد بن سالم الصنعاء
⭕⭕⭕⭕⭕⭕⭕⭕
هــذا زمـــان العــولمه والتـــــلافيق
ماعـــاد يــميز صــقرها والدجـــاجه

طالت به المـــلحا بيــــاض الغرانيق
وقت على الصاحي تشوف انعواجه

هــذا زمــان العـنج والغنـغ والغـيق
وابــو شنــب فيــها تغــير مـــــزاجه
#
منزل مطيران الطلوحي
⭕⭕⭕⭕⭕⭕⭕⭕
(ياسعود)لاتشكي زمانك من الضيق
كــلن حسـب مـاله يحـسّب خـراجه

هـــذا زمــان ٍ فــيه نقـــض المواثيق
فــيه اختــلط حلو القـراح وهــماجه
#
ياسر بن عوض السلمي
⭕⭕⭕⭕⭕⭕⭕⭕
هــذي هي دنـياك دون تلــــفيق
خلــك بعيد ومالــك ومال اللجاجه

خــلك صميدعي ولايــقال به عيق
حرن ولد حرن مايــمشيه الا مـزاجه

(يابوساجر) تراه موثق العلم توثيق
باكـر يابن عمي يانادونك الـخواجه
#
ابوبشايرالصقري
⭕⭕⭕⭕⭕⭕⭕⭕
(ياسعود) يانسل الرجال المطاليق
يالوافي اللي. ماتعكر. احجاجه

الوقت هذا جف حتى به الريق
وقت غريب وصار مثل العجاجه

يليق بعض احيان واحيان مايليق
والعاقل المطنوخ يعرف خراجه
#
فوزي عازم اليمني
⭕⭕⭕⭕⭕⭕⭕⭕
خلــك مع التيار من دون تدقـيق
وابعد عن اللي مايحب المــواجه

الــنايفه دايــم تــحب المــطاليق
الحــر حـــر و الــدجاجه دجـاجه
#
ذاعـــــر المــوقف الصقري
⭕⭕⭕⭕⭕⭕⭕