|
ديوان الشاعر /مليح الرويلي
|
رد: ديوان الشاعر /مليح الرويلي
[ شهقة انفاسي ]
يلعـن ابـو جـد زيـنـك احــرق انفـاسـي=اسلام رمشك طعـن فـي شاعـري كافـر رمشك طعنّـي وضحكـة عينـك تواسـي=ومابيـن قلبـي وعقـلـي لاجـلـك مـدافـر طيفـك تعلّـق برمشـي واقـلـق نعـاسـي=وبعـرش حلمـي تربّـع حسنـك السـافـر غرفـت لـك مـن قـدر شـوقـي بمـلاّسـي=عـذب الجنـون بشـرود الفكـر متظـافـر هيبة حضورك عطتني خلطة إخراسـي=ونعامة الحكي هجّت مـن حـلا الصافـر يضـيـع فـكـري والـبّـس قـافـي لبـاسـي=واغوص في بحر شعري واركب الوافر ارجـع واحـاول ارتّـب فكـرة احسـاسـي=بالرغـم مـن عقلـي اللـي صـار متنافـر جـفـاك زيــرٍ يـتـوق لـذبــح جـسـاسـي=والحشرجـه تلـعـب بـصـدرٍ لــه مـزافـر جـن انتـظـارك تلـبّـس زمـجـرة بـاسـي=وطعنت طفل الوصل فـي حربـة النافـر عنـقـاءك وغـولـك وخـلـك بوسـواسـي=وقريـت الانعـام والإخـلاص مـع غـافـر تهـت بحـلا مهرتـك واسقيتـهـا كـاسـي=وان كانـي اذنـبـت ربــي راحــمٍ غـافـر طحـت وتعثّـرت لـكـن كـنـت متـواسـي=وياكـبـر حــظٍ بعـقـد المـاسـتـك ظـافــر مـابـاقـي الا بـقـايـا شـهـقـة انـفـاســي=رمشـك هـو اللـي طلـع يامنيـتـي كـافـر |
رد: ديوان الشاعر /مليح الرويلي
[ مرّومرمر ] مـابـيــن مــاســك ولازوردك مُــــرّك بـمـرمــرك دثّــرنـــي يـوم ان حـظـي رمــى نــردك شـمــوخ طـاريــك سـوّرنــي قطـفـت مــن شيـحـك ووردك وحبـك عــن الـهـم صـدرنـي عربك 00بشتوك00مع اُردك كـــلٍ بـــرك لـــي ووقّــرنــي ذقت الدفـا مـن حضـن بـردك ضــــدٍ لـمـسـتـه وحـيــرنــي فـل الحكـي فـاح مـن ســردك وصـفـيــر بـلـبـلـك نـقّــرنــي الزيـن والمـلـح مــن جــردك وذوقــك لبـسـنـي وشـبّـرنـي ويــوم انــت عينتـنـي لُــردك بـعــذر الـسـعــاده تـطـيّـرنـي ذقت اربـع اطـلاق مـن فـردك حــطّــم فــــؤادي وجـبّـرنــي ويـالـقــلــب والله يـــاقـــردك ســيــد الـغـنـاديـر خـمّـرنــي مـن طـاري الـحـب يـاشـردك دايــم عـلـى البـعـد تجبـرنـي وهالـمـرّه ابـحـتـرف هـــردك خــلـــك تـلــفّــت تــدوّرنـــي ومـابـيــن مــاســك ولازودك ابـحــرت والـحــب خــدّرنــي |
رد: ديوان الشاعر /مليح الرويلي
[ فيء الخيال ] فــــدوةٍ لــــك مـاسـلـبـتـي يـالـعـنــود مــن غنـايـم قـلـبـي وفـــيء الـخـيـال مـع جمـوح الفكـر واشــواق الــورود ومن شمـال الشـوق للشـوق الشمـال ولــو تجـاوزتـي بــي آفــاق الـحــدود فــي أفــق حــدّي رسمتـيـنـي مُـحــال مـــع عـيـونـك لـهـفـة اللـقـيـا تـــزود وسيف رمشك في زوايا الشوف صال الـبـيـاض آشـوفــه بـعـيـنـك يــســود والـسـواد يصـارعـه باعـتـى نـضــال حـطـمـت بعيـونـهـا جُـبــن الــشــرود وزلـزلـت بجموحـهـا عـــزم الـجـبـال والشعـر خـيـط الحـريـر بـدهـن عــود أربـك [ الدلمـاء ] فـي مــوت الـهـلال بـحـبـتـيــن الـــتـــوت ودودٍ ولــــــود بنـتـهـا الــلــوزه وفسـتـقـهـا عــيــال ويـوم ضعـت بكارثـة بـيـض الـخـدود ماأبـالـي لاجـــل عـصـفـور الـوصــال عشـقـهـا غـنـانـي الــحــان الـخـلــود وحـبّـهـا شنـشـلـنـي بـعـقــد الــــدلال عقـبـهـا الـدنـيــا عـسـاهــا مـاتـعــود وقبـلـهـا الفـتـنـه طـواريـهــا خــيــال وان قتـلـتـيـنـي بــحــبــك يـالـعــنــود دمـــي المـسـفـوح لـعـيـونـك حــــلال |
رد: ديوان الشاعر /مليح الرويلي
[تمتمات اللاشعور ]
استطـيـع آفــك مابـيـن الـسـطـور والشعـر باقـوى المعـانـي اغـرقـه من ذكاي استغبي ببعـض الأمـور ومن غبائي شمس صدقي مشرقه اكبح جماح الغضـب عـن مايـدور وآتصـبـر تـحـت ضـيـم المطـرقـه بالـجـلاده لا تــرا مـانـي صـبــور لو تشوف غصون حلمـي مورقـه القياس ان كان محبـوس بصـدور محتـويـهـا ظـــن مــحــدٍ يـعـتـقـه يقتـل البسمـه علـى ثغـر السـرور والـغـلا المكـنـون يمـكـن يحـرقـه زارني مـن حيرتـي شيـخ الغـرور قـال بنتـي عشـشـت فــي مفـرقـه اندهشت وشلت لـه كـرت العبـور قـلــت بـابــه لاتـحــاول تـطـرقــه اســـرد الأعـــذار يمـكـنّـه غـيــور سيّمـا انــه صــاب قلـبـي بطلـقـه أدري أنــه ظـلـي بـحــر وحـــرور واستحـلّ الـروح والقـلـب سـرقـه الغصـن مايشتكـي أنـس الطـيـور والمطر عشق الصخر لـو يخرقـه مشكله: سيل المشاعـر لـو يجـور والجبين: ان ضاعت جهود عرقه ارجـع الأبصـار وآشـوف الفُطـور وآتـجـاهـل كـــل شـــي ومنـطـقـه اسرقـه مـن بيـن بـتـلات الـزهـور واسكنـه بالجـفـن لــو هــو أرّقــه الأمــل فــي تمـتـمـات الـلاشـعـور والالــم بـالـوعـي عـــاث وفـرّقــه هـي مشاعـر عـابـره دايــم تـبـور بــس ابنشـرهـا بمـلـيـون ورقـــه قـمـة الإحـبـاط واحـبـاط الشـعـور يوم تُركن خـارج اسـوار الثقـه!!! نشرت بتاريخ 23-10-2009 |
رد: ديوان الشاعر /مليح الرويلي
الدواالناجع متغيره مدري وش اللي مغيّرك=ماكنك اللي ذقت نشوة حلاها شيخ الوفا في مر غدرك يعيّرك=ومعارك الجفوة سرت بك رحاها لو كنت داري أن حبي يطيّرك=ماكان روحي طوعت لك مناها ولاكان أسمن من حناني صغيّرك=ولا كان نفسي طرزت لك حشاها كنت الدوا الناجع لسقم يحيّرك=وكنت لجفاف ارضك سحابة ضماها رصفت لك قلبي زهورٍ تسيّرك =وسوّرتك بعيني وسيّلت ماها ياما رضع من ضرع عزي حويّرك=حنان أمٍ دللت به ضناها ومن راس شامخ خوذي اللي يذيّرك=حبّك روايه في شموخه نساها امسيرٍ بالبعد ماني مخيّرك=وطيري كفخ من جمرتيك وبلاها وماهو بانا اللي تحسبينه خضيّرك=أنا لو أن النفس مالت وطاها ومن قبل اعرف اللي لعب بك وغيّرك=باقول كلمه 00 او بلاش وبلاها |
رد: ديوان الشاعر /مليح الرويلي
الكرز والتوت جيت عاني و آتوسّل ثرثرة قيفاني=من مشاعر ذايبه في روحي المبريه
كل مااعنّز عليها ترتجف من شاني=تكفى تكفى لاتقدّ القلب بالشبريه يعني ماتذكر وش اللي سوته يالعاني؟=يوم روحك في حطبها كسرة الجمريه قلت فيني صرخةٍ تطشّرت باركاني=ساعديني ماخبرتك قاسيه صخريه أدري أنه من غلاته في دجاي ابكاني=وادري انه من غرسني قامةٍ شعريه مهرةٍ تبكي عليها مقلتين حصاني=لافقدها به تلاعب ثورة الجنيه برمش عينه ابصم انه قانصي فتاني=وفي خدوده لعن ابوها فيضةٍ محميه خدها ديباج كنّه نرجسٍ لبناني=بالنعومه واختلاط الحمره الورديه بجمرتيها توت الاول والكرز بالثاني=وموطن الدراق فيها يستفزّ النيه لاتغنّج في حروفه له يذوب لساني=ويتحرفن في فنون الجمله السحريه جادلٍ لا جت تخطّا رجّحت ميزاني=بالغلا والود والتدليع والحنيه وقذلةٍ على الجبين اللؤلؤ المرجاني=كنها خيوط الظلام بـــ,,(إبرة) الفجريه اكتشف لاجت تغندر طقطقة سيقاني=ترتجف منها الفرايص مع زنود يديه والفراش اللي بحرفه يستثير اغصاني=وفي رحيق اذني يبث النشوة الخمريه ويوم ثارت هالقريحه وانثنت من شاني=اختلفت من الذهول وفتنة الحوريه |
رد: ديوان الشاعر /مليح الرويلي
شريدة عيالي الوحشه اللي خيّمت في خيالي=دقّت بقلبي ألف هاجس وولوال واحشني اللي مستفزّن هْبالي=واكبر قهر مقفي وهويعرف الحال ادلّله كنّه شريدة عيالي=والبّسه من قافي ألفين خلخال أغليه لو هو ماشرب من دلالي=واعزف على قانون دنياه موال يكفيه إنّه مستثيرٍ سؤالي=ويكفيني أني اعشقه موت بهبال هو رفّتي مع ربعتي مع خلالي=وهو واسط البيت المثولث ولا زال زلزال بعده طامعٍ في جبالي=ياما بها خيّم وفي صخرها صال عن ثدي حبه عاجزٍ عن فصالي=يبطي ولا يقدر يبعّدني أميال غالي ورغم البعد سيد الغوالي=عندي ولا به شك ذره ومثقال ودام انه اصبح من مزاين حلالي=وليّه عليه أربع جمالات وافضال أشره عليه يْصير صدره شمالي =وينحت خيالي بين الاضلاع تمثال وابسط حقوقي يستميت بدلالي=ويزرعني بعينه مساحات واغلال لأني بنجم السما والعلالي=رفعته برغم الحواجر والاهوال وأدري يموت بلحظةٍ من وصالي=بس القهر يقفي وهو يعرف الحال |
رد: ديوان الشاعر /مليح الرويلي
اهداء الى خلف المشعان الوايلي لا من برك لحموله=يشيلها لو هي( جبل ) معلوله خلف ولد مشعان يوم اشعلها= أحرق بها أول فتيل الجوله نار الشهامه ولعت بالراحه=والشاطي امحل وانتهى مفعوله عشق التحدي والثقه والفكره= جيشه وشلفاه وصهيل خيوله شاعر تراقص مفردات ابياته=من غمدها فكره بكر مسلوله يذرّ عطر الحرف في مسمعنا=والذائقه من نخوته مبلوله رجلٍ سرا حب عنزه في دمه=وحب القبايل والوطن والدوله وريث ابن كلثوم أخذ من جده= شجاعته شعره مهابة زوله لا من سلك له واديٍ وابحر به=الجن الازرق مايقرب حوله لا من تعزوت (نوت) هو فارسها=ولعيونها اشناب الشعر مفتوله وياللي نويت انك تدش اللعبه= احذر ترا كل الطرق مقفوله هذا الشمالي به تعيش الهقوه=ومن هيبته روس العرب مذهوله (علياي) جت لك زغردت لحضورك=ورويل تاقف وقفةٍ مـأموله والنعم في كل العرب والأمه=والنعره بحجري ربت مقتوله لكن شعر هالوايلي يطربني=وينوّخ بجوفي رحيق حموله طموحه أكبر من حيازة بيرق= مبطي خذاه بطيبته وفعوله |
رد: ديوان الشاعر /مليح الرويلي
ذكريات تؤرق مضجع العقل مدري اضحك وإلا أبكي=لاجيت اتذكر أو أحكي واذكر أول يوم العالم =مابه شكوى وما احدٍ يشكي كنا مانعرفها الضيقة=نهار وليل بترويقه مامن تفكيرٍ يشغلنا =واللي يعطش يشرب ريقه كان الأستاذ ينبهنا=بالحيوانات يشبهنا وفوق الألفاظ اللي قيلت=بالعصا كان يشرهنا ولا جيت الظهر( أقرط )كتبي= وأمي دايم تجلس قربي واحل الواجب واجاوب=حتى لو هو حل سلبي ثم اتسلح بالنبيطة=واسوي بالحارة زيطه اضرب هذا واكسر هذا=ومن ( الحيزي ) آخذ حيطه للبيت ارجع قبل المغرب= وبوتي لترابه متشرب من شقٍ فيه مضايقني=يلسعني هالبرد ويضرب كنت ابطل أبطال الحارة= وكنت القايد وسط الغاره ولما الدورية تلحقنا=كلٍ يزبن بيت الجاره مع إنّ الفقر مرافقني= خلٍ وفي مصادقني توأم رابي معي بحجري=ومن زود الحب ينافقني أما اليوم احلف وبربي=إن الهم اندس بشربي وانقبرت جملة أحلامي=واكثر هالناس اصبح صربي كبرنا وكبرت ربكتنا= وزالت من فمنا ضحكتنا وزادت وساوس سوستنا=كادت دنيانا ودكتنا هم ديون وهم ادارة= واوهام الدنيا الدواره أطلب ربي صبح وممسا=يبعد هالجثة عن ناره |
| الساعة الآن 11:23 PM. |
