(شبكة ومنتديات الشميلات الرسمية) - حنا تراب وترجع اجسادنا

الشاعر / بدر الحويفي رحمه الله

حنا تراب وترجع أجسادنا تراب

ونحفر تراب قبورنا في يدينا
ناسٍ نوادعهم وناسٍ بالاصلاب
وفي كل يوم يمر ندفن حدينا

الارض فيهاأشرار واخيار واقراب
=وناسٍ تبي منا، وناسٍ تبينا

متخالفين ألوان واشكال وانساب

وهذاك يهْجُرنا ، وهذا يجينا

أحدٍ يغيب، ونذرف الدمع لا غاب
واحْدٍ يموت وندفنه ما بكينا

وشخصٍ يدوِّر خير وافراح واحباب
وشخص يدورنا، يبي يبتلينا

حنا عليها أغراب، ونكلم أغراب
وارزاقنا عند الولي، ما نسينا

هذي هي الدنيا متاهات واتعاب
نضحك على الدنيا وتضحك علينا