|
انشدك عن كل وكري ووكريه
هذي القصيده محاوره مع الحقبي
قيلت عام 1414 هجريه 1992م ارجوا ان تنال اعجابكم✋🏼 . . ســلام مني يالحــقـبي تحــــية وابغى الجواب انكان عندك لنا اعلام *أبانشِـــدَكْ ع الرحــلة الموسـمية وش كثرها ياطير من رحلة العام وبانشِــدَكْ عن كل سِـمْنَه وقـمرية وعالمثاليــث اللــي اتهـــد قـدّام *وبانشدك عن كل وكري ووكـريه وعن كل طـيرٍ خالط الجــو حوّام *واخـص في ذكـري طيورٍ زهـية الحر والشـيهان مثـلــــوثٍ وتــام *قـال الحـقـبي مالقـى مرحـمــية محــدٍ يصيـدة غـير لجل التـعـلام ارجــوك ياقــنّاص وخّـــر شـــوية انا مسـافر لي تـرى اشـهور وايّـام فقـلت لا تـزعل ســنينك مـديّـة هات الجواب ولظـرورة تـرى احكام *قـال الطـيور امـقـبـلة من هـنيه واشّر بجنحانه على الشـرق والشام واللي تــبونه ظـــنـتي دون مـية وغـيرها تعجـز عــنه كل الارقـام *قلت السـفـر لاوين هـذي العشـية قال التحية لك تــرى منـي اخـتام واقـفى وانـا افكر همومي خـفية مـرّة مع الـواقع ومـرة مع احـلام ياما حلا المقـناص بارض خـلية ارضٍ بها تـنسى همومك والاوهام في جـيب تويوتا وصوفة خليجية ماينـسـمع صـوتـه وصاروخ لاقام ولا واهـني اللي قنص باجـبـلـية تلحق على فرخ الشياهين ولو حام والاّ بوكـــريٍ عــزومة قــويّــة اللي على ذيك القرانيـس هجام *اقولها يــوم القَنَصْ قرّب مجـيّة وكلاً تجــهـزله ونصبـو له اخـيام * شاعر المقناص/إبراهيم الزهراني ******* *القرناس المهاجر* |
رد: انشدك عن كل وكري ووكريه
بارك الله بكم على النقل
|
| الساعة الآن 03:57 PM. |
