(شبكة ومنتديات الشميلات الرسمية) - (البال ضايق من تصاريف الايام ) مجاراه

البال ضايق من تصاريف الايام
وعروق قلبي تحترق في دماها

االحب والفرقاء وثالثها الاوهام
ثقل الجبال النايفات بوطاها

ايقنت بالدنيا متاهات واحلام
ماهي رصيدٍ وكنز للي بغاها
#
سعود بن معزي العواجي
⚡⚡⚡⚡⚡⚡⚡⚡
لا لا يضـيق البال وتعض الابهام
شــــــكواك للمعبود محيي ثراها

يامـعمر الدنيا ترى الوقت مادام
الله وكيــــــلك غيـــــر يفنى ذراها

اعمــــل قبـل ياتيك هدّام الاحلام
للجنّـــة اللــــــي فوق ربي حباها
#
حمد بن سالم الصنعاء الجعفري
⚡⚡⚡⚡⚡⚡⚡⚡⚡
(ياسعود) الله يرحمنا عامآ بثر عام
هذي هي الدنيا ماعارفنا منتهاها

خلك يابن الاجواد دوم مقدام
اقدم على ماتبي واجزم في لقاها

والكنز والله لاراحت جميع الاوهام
وصار البخت يمترحلك في احماها

عمهوجة عليها طولها لمه المام
في خايعن (يابوساجر )ماقد وطاها
#
ابو بشاير الصقري
⚡⚡⚡⚡⚡⚡⚡⚡
(ياسعود)لاتهمك تصاريف الايام
من خلقت الدنيا كثيراًغثاها

كثير من عاشوا بها على الاحلام
والنفس ماتقنع بمالله عطاها

ماتشوف اموراً حاصله بااهل الشام
عقب السعاده شتت الله شظاها
#
سعد بن عايد الجعفري
⚡⚡⚡⚡⚡⚡⚡⚡⚡
كب الوهم ياصاحبي وامش قدام
وحث القدم ياما تجي منتهاها

واضرب على الكايدولاتعيش باحلام
ولاتحرم النفس العزيزه هواها

انته جبل شامخ ولربعك حزام
ماتهزك الارياح وانت ذراها
#
خلف بن بركه الهبداني الجعفري
⚡⚡⚡⚡⚡⚡⚡⚡
العمر قفى والليالي بها اسقام
والطيب يبقى والمنايا فناها

مار البلا العين تسهر ولا تنام
حتى الطبايب مالقو لي دواها

الثقل ثقل الدين والعمر بقدام
دين الرجال اللي تدور قضاها

لا تنشد العطشان والقلب مايلام
يطرد سراب الوقت يروي ضماها
#
ذاعر الموقف الصقري
⚡⚡⚡⚡⚡⚡⚡⚡⚡
لاتضيق ياابن العم وانا لك احزام
ونفسك( يابن عمي) بتلحق هوها

وان قالها الله في مقابيل الأيام
بشايت الله غيرتسكن احماها

ويفرج الله كل همن مع اوهام
ويمتد لك حبل الوصل في لقاها
#
مرضي بن دحام العواجي
⚡⚡⚡⚡⚡⚡⚡⚡
ياالله ياعـالم خفيـــات الارحــام
وياباسطٍ ارضــك ورافع سمــاها

ياصاحبي لو ناصل الصين والشــام
وعمارنا بيدين ربي قضــاها

ولادامت الدنيا (لتركي) و (لزام)
دارة بهم سود اليالي رحاها

يالوايلي حذراك من كثر الاوهام
والنفس بعض احيان اقصر هواها

ياصاحبي وش موجب العين لاتنام
لا صار ربي بالمرض مابتلاها

والله لا يارك من جــــور الايام
والله ايحفظك من بلاوي غثاها

لاضاق صدرك ناج خلاق الانام
وحاجتك عند الله مسرع قضاها

الواحد المعبود هدام الاصنام
اللي خلق خلقه وضح خطاها
#
عبدالرزاق المطرفي
⚡⚡⚡⚡⚡⚡⚡⚡⚡
(ياسعود)انا درعٍ لجنبك لك حزام
ورمحٍ ا بيدك صيدته ما يخطاها

حنّا (خوالك) لغشى يومك اعسام
الكايده ( بسعود) ربـــي تطاها

(ياسعود) لثــار الرحى ربعك اكعام
كعام العدى والحرب نطحن رحاها

سدنا الدول لعيون من يلبس الثام
كم دولةً بالسيف الاملح سدناها

بفجوج ربي ان طعتني سج الاقدام
نفسك من المسهــاج تلقى دواها
#
فارس بدر رحيل الشبيعان العواجي
⚡⚡⚡⚡⚡⚡⚡⚡⚡
يالحر ينادر بسميك غنام
والحر. لاهام الطويله رقاها

والي تولع بالعفارى ولاروام
لابد. مايحفي. اقدامه. وراها

والحب بلوى وقصته مثل اللاحلام
كم عاشق" شكا البلاء من غلاها

(ياسعود) مثلك لرجاجيل مقدام
وحنا بمثلك نفتخر. ونتباها

اطلب وتلقنا على الدرب قدام
(عيال وايـــــــل) ماتشح بعطاها

ربعك (بني وايل) عزيزين واكرام
الابــــــه الي عاليـــــا" مستواها

بالجاه او بالمال ذربين وحشام
بوجودهم تنسا الهموم وغثاها

الي يحب مغيزل العين مايلام
كم (فارسٍ )ذاق العنى من هواها

ابو. ارموش" كنها ترسل اسهام
تشبك على القلب الشفوق بغلاها

كم عاشق" يصبر على هم الايام
ويموت ونفسه موصلت مبتغاها
#
خليل مسفر الطلوحي
⚡⚡⚡⚡⚡⚡⚡⚡⚡
(يابن معزي) من يصلي ومن صام
ما ينشغل باللي قصيرن مداها

يشكر عظيم الملك خلاق الانسام
على نعمه اللي لا يمكن جزاها

واكبر نعيم نعيش به دين الاسلام
عسى النفوس اتطيب للي هداها
#
زاحم ابن نومس
⚡⚡⚡⚡⚡⚡⚡⚡⚡