ياسعودقلبي بالهوى منحمس حمس
 

الشاعر اللي حافظ فروضه الخمس
اللي مجرد شوفته تجلي الهم

شاعر قديم ولاهو اليوم والأمس
وليا انتخا عدك على شاطي اليم

البارحه يوم انعمس خاطري عمس
ازرت جروحن بين الاظلاع تلتم

لو الظروف تعينني واشري الجمس
لاطوي مسافه ما طواها ولد عم

ابي عليهم قبل لاتطلع الشمس
مع صاحبن في خوته ماتندم

بعض الاوادم تفهم العلم بالهمس
وبعض الاوادم قربها يجلب الغم

ياسعود قلبي بالهوى منحمس حمس
واللي ذبحني يالخوي خفة الدم

الله يحفظ ساجر ويحفظ اورنس
يامعرب الجدين ياصافي الجم

خالد الركعان
⭕⭕⭕⭕⭕⭕
حياك ياقرمن تعنا على الجمس
تبشر بعزك يالخوي لا تألم

اظرب لك العشره على قمة الخمس
والطيب قدره للنشاما على الشم

والفزعه الي ماتجيلك على الحس
لاخير فيها مار قلي تكلم

ان كان خلك محرقٍ خاطرك حمس
انا على امرك نارد على العد والجم

وان قاله الله غير تمسك يده لمس
ونبذل قصار الجهد والشمل يلتم

تسلم (يابو يوسف)من الهم والطمس
معرب الجدين خاله مع العم

سعود بن معزي العواجي
⭕⭕⭕⭕⭕⭕⭕