(شبكة ومنتديات الشميلات الرسمية) - لا عاد تسألني عن ايـام واحبـاب

- الشعر النبطي (http://alshemailat.com/vb/forumdisplay.php?f=77)

- - لا عاد تسألني عن ايـام واحبـاب (http://alshemailat.com/vb/showthread.php?t=1804)

لا عاد تسألني عن ايـام واحبـاب

السلام عليكم ورحمة الله وبركاته

قصيده أعجبتني ..أتمنى أن تنال ع أعجابكم

أترككم مع القصيده:

لا عاد تسألني عن ايـام واحبـاب
تعال وسألنـي وش اللـي جنيتـه
جنيت من وقتي بهاذيـل واتعـاب
واحباب عمري هدوا الـي بنيتـه
في هالزمن حتى المناعير ترتـاب
والحب صدقـه فالبشـر مالقيتـه
لان البشر صفحة طلاسم من كتاب
ماتفهمه مهمـا رجعـت وقريتـه
عندي دلايل مالها عـد واحسـاب
والتجربه برهانـي اللـي خذيتـه
سو اختبار وغيب لو مابه اسبـاب
واجفى حبيبـك تكشفـه لا جفيتـه
تلقاه بغيابك يعاشـر لـه اجنـاب
باعك مع إنـك بالمـوده شريتـه
ماكنك اللي كنت له ستر واحجاب
ماكنك اللي مـن حياتـك عطيتـه
صار الهوى لعبه ويحتـاج لعـاب
مال الوفى داعي مع اللي هويتـه
الحب صاير شي ماهـو بجـذاب
كل يـوم يدنّـس وينبـاع صيتـه
بعد ماكان احساس من قلب واعتاب
اصبح مجرد لعـب يـوم ٍ بديتـه
الحب اطهر من بلوتوث واعجـاب
واشرف من اللي دنسه في مبيتـه
ياما وفيت وكان صدقي لهم بـاب
ياما عطيت وحـق نفسـي نسيتـه
ماصاب ضني كثر ماغدرهم صاب
ناموا وانـا ياكـم ليـل ٍ سريتـه
اصدقّهم اللي كان جاحـد وكـذاب
واطيّبهم اللي باع قلـب ٍ شريتـه
مافاد كثر اخلاص قلبي ولا جـاب
غير الألم ووجاع يـوم ٍ قضيتـه
والله ماطابت جروحي ولا طـاب
هم ٍ على ربـي بديـت وشكيتـه
ياللي تنشدني عن اقلوب الاحبـاب
هذي نتايـج كـل قلـب احتويتـه