عرفت إن السعادة بسمة الأحباب !
ولمست إن البلاد عيون غاليني !!

بيوم الحزن كشّر للمفارق ... ناب
سمعت الريح والذكرى تناديني !!
!
مقلط بيتنا ! دلالنا! ..... والباب
تبي تصرخ دخيلك ... لاتخليني !!

كفوف اخواني تلوّح وش الاسباب !؟
وصوت امي على نفسي يوصيني !

بظن إن الرحيل و وحشة الاغراب !
تصير مهند ٍ يدمي .. نحر ديني !!

رحلت وفي عيوني كانوا الاصحاب
" مصابيح ٍ تضوي عتمة سنيني " !!

وطارت من يديني أمنيات اسرااب
ولاحطت على ضفة .. عناويني !!

ومرّت صورتك وترقرق العنّاب !
ولون التووت غنّى في شراييني !!

ياليت آكون حلم يعيش ماينجاب !
وانااااام وصفة رموشك تغطيني !!

واحلق بك سما ود وغلا واعجاب
وفي قلبك عن العالم .. تواريني !!

واذا تسأل : صحيح إن الهوى غلاّاب
جوابي لك : تكرّم ناظر بعيني !!

تشوف إنسان بهيام المشاعر ذاب
يغني لك " أحبك لو تجااافيني " !!

وحانت رحلتي والأمنيات ركااااب !
مقادير البدو ... ...قامت تسرّيني !

رحلت بـ حلم شايب وبعزيمة شاب !
مرامي : عودة الورد لـ بساتيني !!

حبيبي ماعلى الصلب الكسير عتاب !
وانا جور الزمان المر .. مرويني !

تعاتبني ! ... وانا مابين ناب وناب !!!؟
وعن لمّة حطامي ... عجزت ايديني !!؟

كفاني من عذابي وحشة الأغراب !
وأنا اشوف بعيونك ..... " لاتخليني " !!



سعد زبن الخلاوي الشمري