الغيث هماله اليـا مـن همـل بالقـاع =
عشب قفارن زها بالورد من كـل نـوع
ودع محلهـا وخلـد للسنيـن مـتـاع =
يكفي تفادا السنيـن المقبـلات الجـوع
المشكله بالصبخه لـو نالهـا المربـاع =
ماتمسك الماء ولاينبـت بهـا المـزروع
خيب الرجاء من تأمل خير فيها ضـاع =
مابان كان المطـر شهريـن والاسبـوع
الطيور جتها جيـاع وعقبتهـا جيـاع =
والي مشاهـا يمـوت ولاتبعـه متبـوع
مقطان منهو على وجهـه يحـط قنـاع =
تحسبه ذعذاع واثـره ياعـرب ذعـذوع
ياوجد حالي وجود اللـي طويـل البـاع =
لاصاح في صوتـه العالـي مهومسمـوع
الحظ كلما لفى صوبـع لـه الاصبـاع =
والخـد ماقـد طلـع الاوهـو مصفـوع
مصفوع صفعة قهر يـا والله الملتـاع =
الـي القـراده تـلازم حالـه المسبـوع
مهورفيق المصالـح يوصـل القطـاع =
اهل المصالح قرايـب وصلهـم مقطـوع
يامـر كبـد جذفهـا مـر ابـو نـزاع =
من حر قلبٍ سحب فوق الخـدود دمـوع
ياصاح لاتشتكي مـن ضيـم بقعـا راع =
احوال حالي وشوف الحال كيـف تلـوع
مخيال ذيـب السرايـا يتبـع المريـاع =
بالصبح واليل يمضـي ماعـوا مهلـوع
والقلب عـده يهـز بيدينـه الاضـلاع =
مسجون متهم وقضبان الحديـد ضلـوع
يصيح مضلوم ياعالـم ابـي المطـلاع =
من شاف حالي نحيل وصايـرن مربـوع
متهوم بأني اكابر بأسوء الاوضاع
واقول انا بخيرلجل اداري الموضوع=
ولني معا المعتزي دايم افز بساع
فزت قريص فزع من نومته مخروع
واشري ب غالي رخيص وبالرخص اتباع =
واعطي الجزايل والبس ثوبـي المرقـوع
والحزن وهموم عمري والشقاء بصراع =
ولويسمح الظرف اترك مسلك الممنـوع
وحياتي مثل السفينه الي بليـا شـراع =
كلمـا تمرالقـوارب قاربـي مطـبـوع
ياشين نزله الطمانه من عقـب مرفـاع =
نزلت لو كـان راسـي مانـزل مرفـوع
باسباب من حط لي يالمسلمين صـداع =
اسنين مقفي وراسـي باقـيٍ مصـدوع
حلفت ماعاد اسـوي خيـر بالطمـاع =
في ذمتي لواشوفـه ميـت مـن الجـوع

صح لسانك اخي موسى
قصيدة جميله وبها الكثير من النصح

ننتظر إبداعك وبوحك الصادق

دمت بعافيه