(بـــوح الأحلام)
 

اشب ضوي تالي اللـيـــل مـانــــام
واساهر اللي من عـنا الـوقت ضايق

أســـج بحــــلامٍ لهــا عــدة أعـــوام
ليـن اصبحت واقـع بـعيـد الحقـايق

صـارت حـياتي كـلـها بــوح الأحـلام
وتـرسم مــع الأيــام صـدر الـوثــايق

سـقت التجارب سـوقة الـعز بحكـام
فـي دبــرة الـوالي و سـيـد الخـلايق

دنيــا غـريبـه تـرسم أشـبـاح الأيــام
ويــامـا سىمعنا بـين الأحباب عــايق

خـذ الكـلام اللي على بـصمة إبهــام
مـافـات مــات وخـلك الـيـوم رايـــق

واختـم كـلامي بيـن تـرديد الأنغــام
و تبقـالـك الذكرى على شـكل لايــق

اشـب ضـوي تـالي الليـــل مــانــــام
واسـاهر اللي من عنا الوقت ضــايق
#
سعــود معــزي العـواجــي