(شبكة ومنتديات الشميلات الرسمية) - ابوذييات لعل تنول رضاكم

ياظالم لاتهيج الروح خلها ===عساها تموت من بعد فرقاك خلها

لزم ايدي الطبيب وقلت خلها=== المرض بالقلب وش لك بديه

قضيت العمر وياك هم هم=== وهجرك فوق الضيم زادني هم هم

وهسه تريد ترجع وبعدين هم هم ===تتركني وتعوف جروح بيه

يادنيا على هموم البيه حسي === وعن هامتي طبع القدر حسي

ومن همي راح اصيح بعالي حسي ===مظلوم وحبيبي القدر بيه

تعال ومر ع الحبوك مره === وحياتي بعد فرقاك مره

تذكر من وعدتني وقلت مره === ما عوفك الى يوم المنيه

لو تذكر رياي وياك ولعن === ولا تنغر على الي وياك ولعن

فرضنا لو اسبك حيل ولعن === مريض انه تعال اسئل عليه

ياصاح طال هجرك مر علينا === مو حتى الزاد بعدك مر علينا

اذا بعدك تحبنا مر علينا === تعال واجرة التكسي علينا