(شبكة ومنتديات الشميلات الرسمية)

هذه المساجلات مضى عليها اكثر من عشرين عام بين (ف الرشيدي)و(ف العنزي)
أضعها بين أيديكم وهم ليسوا شعار بمعنى الكلمة ولكن موقف نتجت عنه هذا الأبيات
البادئ (ف الرشيدي)كأعتذاريقول به0 11/9/1988م
الله يعــز أهــل الوفـا والمروه**اللي لهم في منهج الطيـــب منهـاج
اللــي تقــدر يـافهد كل خـــوه**لو إن مالي من ورى الناس مدراج
لاكن يعجبني من يشب ضـوه**وأنا من اللي ماضرب درب منعاج
هذا ومــا سويت يافهيد ســوه**أرجو السموحة كان جا مني إحراج
فرد عليه (ف العنزي) 22/9/1988م
جاني كلامٍ فيه شــــدّه وقــــوه**من واحــــدٍبالشعر باني له أبراج
ليا قــال قيـــله مكتمل في نموه**ولو بارز الشعـــــار يأخذبهم تاج
قصدي فهد جا منطقه بالأخوه**زميلي اللي يعتذر لي من الإحراج
ذي شارة الطيبين أهل المروه**اللي لهم بالطيب مــدخل ومخراج
ويافهيد ماجا منك مافيه ســوّه**فايلك عندي ابيضٍ وسط الأدراج
وليتك سألت فهيد وشلون جوّه**حتى يبين ويتضح وين الإزعاج
فرد (ف الرشيدي) 24/9/1988
جاني مرد اللي يعرف الحمّوه**الشــــاعر اللي بالمواقــــف مايحتـاج
اللي يمّيزبإصدقاه وعـــــــدوّه**وله قلبا أبيض مع زميله من العـــــاج
ماهي العفون اللي تقول أرض صّوه**ماتمسك الما لو على عين هداج
يابو محمد ماتقيض الجبــــــّوه**ولا ينرجي بياض من قفوة الصــــاج
مــــد الرشا للي تحبه وطــّوه**وإترك عنك شيـــــا يسبب لك إزعاج
والخبل لابلشك في شي كــّـوه**بالنــــار وإلا في مشاهيب الأســـواج
فرد (ف العنزي) 25/9/1988
ياراكب اللي يعجبك ضوح ضوه**يوم أقلعت بالجو من نوع ميراج
اللي بوقت الحرب ترهـب عدوه**وذخايره بأرض العدو نار وهاج
أبغيـــك تسمع ماأقـــوله وســّوه**بس الخرايط حطها وسط الأدراج
وبالك تشيل من الذخيرة عبــّوه**في ديرتك ماظن يأتي لك إزعــاج
وأرجوك تاصل يم عريب السموه**اللي بوقت اللازمة يرهج إرهاج
فهـــد ليا من جيت يازين جـــوه**قيـــــله ثمين ولا هوبخطو هــراج
اللي لفاني منه ياسرع نــــــــــّوه**أنا أشهد إنــــه كمل البيت بسيـاج
ومابي أستعرض يافهد كالفتـــوه**واللي يدش بحور تأتي له أمــواج
أعجبتني وأضعها لكم وأتمنى أن تعجبكم