(ياصاحبي ماني على البعد ناوي)
 

ياصاحبي ماني على البعد نـاوي
وذكراك عندي راسمه في خيالي

ارقبت في ضلعٍ به الذيب عاوي
وذبيتله بالصوت يـومه طــرالي

وقمت اتذكر مامضى بالحكاوي
عمري قضى مافيه حيٍ درالي

وامشي مع الايــام مـاني بقـاوي
بفرقى وليفٍ تعّـب اليـوم حـالي

ياصاحبي مجروح بالحيل هـــاوي
جسمي تعب ماحس باللي جرالي

اعيش دنيـاء صرت فيـها خـلاوي
واعيش مع طاريك لـو بالخيالي
#
سعود بن معزي العواجي