الا منهو يرد سحبن تكدس حدرها لباد=بروق عروقها تضوي عليها والرعود رعود
تهل من المزون مزون همال المطروراد=سيولن فاضت الوديان منها والهميل يزود

هلا بسحبن تروي الظميان ببلاد=وهلا بنور بروقها نورت نورها المعهود
هلت هماليل الوفا وللوفا تعتاد=اروت سهول البيد ولها الفيض مشهود

هلا بالوايلي والجود من طيب وكرم بك شاد=تعزز صيتك بربعك وربعك ماعليهم زود
فلا يشمت بك الشامت ولاينقدبك النقاد=ولا لايم لك اللايم ولانت مناقل المنقود

مشكور يا أبن العـم ونعـم بناقـد النقـاد=راعـي الوفاوالطيـب بالـذكـاء مشـهـود
ساس الذكا وأصل الذكا من ثمود وعاد=شبل الأسد أبن الأسد من عريـن أسـود

صف حالي صف صفافٍِ اسعره وقاد=وشب حالي واستشبت شبها حامي الموقود
هم حالي همها هم اهموم مركوز الأنهاد=صاب حالي صابني ومصيبتي انا المصيود
شفت حالي شوف برموشها شفتها بعناد=وحرب حالي حربتين احراب في قفر النفود

[
عليم الله يارحيل لوانك مقصدي ومراد=لقيتك فاتحن بابك على صوت الندا موجود

هنا وهناك من عنك يمين واهنا عنك غاد=علومن ترفع الهامه وفعلك باليالي السود

سود الليالي تقصر العمر لو زاد=لوزاد عمر الفتى شيب وعدا
انوح نوح نايحاتٍ بغداد=وماتو غواليهن وصار باللحود

اشوف القصف عشوائي وجزلات الضمين بعاد=مهي حول الهدف والقاف يارحيل مهو عل مود

وانا ياني على العليا احدد مركز الارصاد=تراني والا في راس الرقيبه معتليلي طود

اشوف شفشوفٍ شف من شافه على ميعاد=هالني واهتالت هولني راكب المفرود
الشعر مثل السيف يزنده زناد=لكن زناده شيطان الشياطين مقرود
الهدف ونسه وناسه ولانسل زناد=ومن دور العليا شاعر المليون موجود

اليا من روحت خيل المثاني والجياد تقاد=على وضح النقا تضحي المعالم والعلوم تسود

تبين مننا الشفشوف واسفر حضرت الاستاد=ملا عين الملا والله يشهد والعباد شهود

مثل بدرالدجا شفني لو ان المنتدى بلحاد=على فرقا كبير الجاه جاهه مايفيد بفود

ياليتك واقفن مابين بين وممرحن باحياد=ولا تركض ورا القفرا --وتتنى منها مردود

روائع القصيد قصدت
من مبدع المبدين ابدعت
من فنان في شعره وفي ذوقه الرفيع
لك كل الشكر

اليامن اقبلت سهوم المنايا عدينا لها عتاد=على وضح النقى نرسي ونحقق المقصود
هناك يبين معنى الرجوله والأوغاد اوغاد=ننخش عيون المعادي وعن وصلنا مصدود
سرى ساري على العتمه وفي سريته مافاد=دخل غبة بحر هرمز واكتفوه جنود
ياليتك ياموسى معرض ومخلي ينخل السراد=ولاتمشي ورى فتاش وتحسبه رمي بارود
هذا نضيح الأناء بمايحتوي من جود جاد=كل إناء بمايحتوي من جوده يجود
تدري ان الرعد يرعده رعاد بعناد=وقل لمن قال أنا كيد المناعير كاذب ومكيود

صح لسانك على الابيات والا اقول الغز
فعلاً انت مبدع في جميع ماتكتب
لك ودي وتقديري

ممكن اشارك معكم بالقصيد بس عاد

ان كانت بيوت القصيده مهي داخل المقصود


انا شاعر صغير واتعلم من النقاد

و كاني مو حول شي قولو تفضل ومطرود